جیکب آباد: ساٹھ سالہ شخص کی بارہ سالہ بچی سے شادی، دولہا گرفتار -
The news is by your side.

Advertisement

جیکب آباد: ساٹھ سالہ شخص کی بارہ سالہ بچی سے شادی، دولہا گرفتار

جیکب آباد: ساٹھ سالہ شخص کی بارہ سالہ بچی سے شادی،پولیس نے چھاپہ مارکر دلہا کو گرفتار کرلیا۔

تفصیلات کے مطابق تحصیل ٹھل کے تھانہ بی سیکشن کی حدودگاؤں نصیر خان سمیجو میں گل حسن پنہورنامی شخص نے اپنی بارہ سالہ بیٹی کو تین لاکھ روپے میں ساٹھ سالہ مولوی کرم اللہ پنہورکو بیچ کر شادی کردی،رخصتی باقی تھی کہ پولیس نے چھاپہ مار کر ساٹھ سالہ دولہا مولوی کرم اللہ کو گرفتار کرکے بچی کو برآمد کرلیا۔

پولیس کی جانب سےانڈر سیکشن چائلڈ دوہزار چودہ کے تحت مولوی کرم اللہ کے خلاف مقدمہ درج کرکے دیگر ملزمان کی تلاش شروع کردی گئی۔

اے آر وائی نیوز سے بات کرتے ہوئے بارہ سالہ دلہن گل زادی پنہور نے بتایا کہ اس کے والد نے اسے تین لاکھ روپے میں زبردستی فروخت کیا اور نکاح کروایا.

دوسری جانب گرفتار ملزم ساٹھ سالہ دلہا نے اے آر وائی نیوز کو بتایا کہ اس کی پہلے بھی ایک شادی ہوئی ہے جس سے اس کے دو بچے ہیں لیکن بچی کے والد نے اپنی مرضی سے تین لاکھ روپےمیں بچی اس کو فروخت کی اور شادی بھی اپنی رضامندی سے کروائی تھی۔

 

Comments

comments

یہ بھی پڑھیں