The news is by your side.

Advertisement

اسکردو ایئرپورٹ پر اے ایس ایف، سی ایم ایچ اور ریسکیو ٹیموں کا عملی مظاہرہ

کراچی : اسکردو ایئرپورٹ پر کسی بھی ہنگامی صورتحال سے نمٹنے کیلئے اے ایس ایف، سی ایم ایچ سمیت دیگر ریسکیو ٹیموں نے عملی مظاہرہ کیا، امدادی مشقوں کا انعقاد سول ایوی ایشن کی جانب سے کیا گیا تھا۔

تفصیلات کے مطابق اسکردو ائیرپورٹ پر پر کسی بھی ہنگامی صورتحال سے نمٹنے کیلئے عملی مظاہرہ کیا گیا، مظاہرے میں اے ایس ایف، سی ایم ایچ سمیت دیگر ریسکیو ٹیموں نے حصہ لیا۔

سات ہزار پانچ سو فٹ بلندی پر واقع اسکردو ائیرپورٹ پر یہ مناظر فضائی حادثے کے نہیں ہیں بلکہ یہ عملی مظاہرہ کریش لینڈنگ کے دوران ریسکیو عملے کی صلاحیتوں کو بروئے کار لانے کے لئے کیا گیا۔

امدادی مشقوں کا مقصد کسی بھی ہنگامی صورتحال اور جہاز کی ایمرجنسی یا کریش لینڈنگ کی صورت میں ایئرپورٹ موجود متعلقہ اداروں کی کارکردگی کو جانچنا اور مزید فعال بنانا ہے۔

بین الاقوامی شہری ہوا بازی کے قوانین کے مطابق ا سکردو ائیرپورٹ پر ہنگامی مشقوں سے سول ایوی ایشن اور متعلق اداروں کے معیار کو موثر بنانا ہے۔

واضح رہے کہ دنیا کے چند بلند ترین ائیرپورٹس میں شمار کئے جانے والے اسکردو ایئرپورٹ سیاحت کی وجہ سے منفرد اہمیت کا حامل ہے۔

Comments

comments

یہ بھی پڑھیں