اینٹی ایجنگ ماسک بنانے کا آسان طریقہ

عمر بڑھنے کے ساتھ ساتھ جلد ڈھلکتی جاتی ہے، پانی کی کمی اور غیر متوازن غذا بھی جلد کو بے حد نقصان پہنچاتی ہے، ایسے میں اسکن ٹائٹننگ کریم یا ماسک جلد کو بحال کرتا ہے۔

اے آر وائی ڈیجیٹل کے مارننگ شو گڈ مارننگ پاکستان میں ڈاکٹر فرح نے اینٹی ایجنگ ماسک بنانے کا طریقہ بتایا۔

سب سے پہلے آم کا ذرا سا گودا لیں اور پانی ڈال کر بلینڈ کرلیں، اس میں 1 چمچ چاول کا آٹا اور 1 چمچ ناریل کا تیل شامل کرلیں۔

اس ماسک کو چہرے، گردن اور ہاتھوں پر لگائیں اور سوکھنے کے لیے چھوڑ دیں، جب جلد پر کھنچاؤ محسوس ہو تو سادے پانی سے دھو لیں۔

ڈاکٹر فرح کا کہنا ہے اینٹی ایجنگ ماسک ہفتے میں صرف ایک یا 2 بار لگائیں، اسے روزانہ لگانے سے گریز کریں کیونکہ زیادہ کھنچی ہوئی جلد خشک ہوجاتی ہے اور اس پر جھریاں پڑنے کا بھی خطرہ ہوتا ہے۔

Comments