پرتھ : آسٹریلیا میں اسکائی ڈائیور پیرا شوٹ نہ کھلنے کی وجہ سے ہزاروں فٹ کی بلندی سے گر گیا ۔30سالہ اسکائی ڈائیور نے موقع پر ہی دم توڑ دیا۔
غیرملکی خبررساں ادارے کی رپورٹ کے مطابق آسٹریلیا میں ہونے والے مقابلے کے دوران اسکائی ڈائیور صحیح طرح سے پیرا شوٹ نہ کھلنے پر ہزاروں فٹ کی بلندی سے گر کر ہلاک ہوگیا۔
اسکائی ڈائیونگ کمپنی نے اپنے تعزیتی پیغام میں کہا ہے کہ ایمرجنسی عملہ مدد کے لئے بروقت پہنچ گیا تھا تاہم اس نے موقع پر ہی جان دے دی، ہم آنجہانی ڈائیور کے خاندان سے اظہار تعزیت کرتے ہیں۔
کمپنی کی جانب سے جاری کردہ پیغام میں مزید کہا گیا کہ سول ایوی ایشن اتھارٹی اور آسٹریلین پیراشوٹ فیڈریشن اس حادثے کی تحقیقات کرے گی۔
خیال رہے کہ سال2019 میں بھی ایک شخص کی اسکائی ڈائیونگ کے دوران بارڈ لینڈنگ کی وجہ سے ٹانگ فریکچر ہوگئی تھی۔
Comments
- Advertisement -