site
stats
انٹرٹینمںٹ

شہیدامجد صابری کی آوازکوک اسٹوڈیوسیزن 9 کاحصہ ہوگی

کراچی: شہید قوال امجد صابری کی آواز سلسلہ وار موسیقی کا پروگرام کوک اسٹوڈیو سیزن نائن کاحصہ ہوگی۔

امجد صابری اس دنیا میں نہیں رہے مگر کوک اسٹوڈیو کے نئے سیزن میں ان کی آواز جادو جگائے گی، امجد صابری اور راحت فتح علی خان”آج رنگ ہےاے ماں“ قوالی کی ریکارڈنگ مئی میں مکمل کروا چکے تھے۔

یہی کلام چالیس سال قبل امجد صابری کے والد اور نصرت فتح علی خان نےاکٹھے کراچی کی درگاہ میں پڑھاتھا، کوک اسٹوڈیو میں ان کایہ کلام ان کوخراج تحسین ہوگا۔

amjad-sabri-01

اگرچہ امجد صابری کوک اسٹوڈیو کے پچھلے سیزنز کا حصہ نہیں رہے مگر گزشتہ سال کوک اسٹوڈیو کے سیزن 8 میں عاطف اسلم نے غلام فرید صابری اور مقبول احمد صابری کی پڑھی جانے والی تاجدار حرم کا کلام بطور عقیدت پیش کیا، اس کلام کی پیشکش میں امجد صابری نے بھی کوک اسٹوڈیو کی مدد کی تھی ۔

amjad-sabri-02

کوک اسٹوڈیو میں قومی شہرت کی حامل گلوکار عابدہ پروین ، راحت فتح علی خان ، صنم ماروی ، سائیں ظہور ، علی عظمت ، نوری ، زیب بنگش اور میشا شفیع ہیں جنہوں نے ماضی میں بھی اپنے فن کا مظاہرہ کیا ہے اور وہ اس سیزن میں بھی پرفارم کریں گے ۔

کوک اسٹوڈیو میں ان کا یہ کلام ان کو خراج تحسین ہوگا، کوک اسٹوڈیو سیزن 9 کی ریکارڈنگ مئی میں مکمل کرلی گئی تھیں جب کہ یوم آزادی 14 اگست کو ٹی وی پر نشر کی جائے گی۔

واضح رہے کہ امجد صابری کو 22 جون 2016 کو کراچی کے علاقے لیاقت آباد میں دو موٹر سائیکل سوار افراد نے اپنی گولیوں کا نشانہ بنایا تھا جس سےوہ موقع پر ہی ہلاک ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top