site
stats
سندھ

دوران پروازسونے والے پی آئی اے پائلٹ کیخلاف تحقیقات مکمل

کراچی : پی آئی اے کے پائلٹ کی دوران پرواز نیند پوری کرنے کی ابتدائی تحقیقات مکمل کرکے متعلقہ حکام کو بھیج دی گئی، کپتان پر الزام ثابت ہوگیا۔

تفصیلات کے مطابق پی آئی اے کے سینئر پائلٹ کیپٹن عامر ہاشمی جو گزشتہ دنوں دوران پرواز نیند پوری کرتے ہوئے پائے گئے تھے،اس واقعے کی ابتدائی تحقیقات مکمل کرلی گئیں ہیں۔

PIAA-00

انکوائری کمیٹی نے ابتدائی تحقیقات مکمل کرکے رپورٹ قائم مقام سی ای او کو ارسال کردی ہے۔ ریکارڈ کئے گئے بیانات کی روشنی میں عامر ہاشمی دوران پرواز سونے کا الزام درست قرار دے دیا گیا۔

پائلٹ کے سونے کی شکایت کمنٹس کارڈ میں درج کرنے والے مسافر کی بھی تصدیق ہوگئی ہے۔ شہزاد چوہان نامی مسافر نے کمنٹس کارڈ میں درج کی جانے والی شکایت کی بذریعہ ای میل تصدیق بھی کردی ہے۔

PIA-01

مزید پڑھیں : دوران پرواز سونے پر پی آئی اے کے کپتان کیخلاف کارروائی کا آغاز

اس کے علاوہ اسلام آباد سے لندن کی پرواز نمبر 785 پر تعینات فضائی میزبانوں کے بیانات سے بھی تصدیق کی گئی، کیپٹن عامر ہاشمی کے خلاف مسافر کی شکایت پر مبنی کمنٹ کارڈ اے آر وائی نیوز کو موصول ہوگیا۔

ابتدائی رپورٹ پر کیپٹن عامر ہاشمی کے خلاف باقاعدہ کارروائی پیرکو ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top