The news is by your side.

Advertisement

زبان پھسل گئی، طلال چوہدری نے نوازشریف کو مرحوم کہہ دیا

اسلام آباد : پاناما کیس میں شریف خاندان کی بے گناہی ثابت کرتے ہوئے طلال چوہدری کی زبان لڑکھڑا گئی، موصوف جوش خطابت میں وزیراعظم نوازشریف کو مرحوم کہہ گئے۔

تفصیلات کے مطابق پاناما تحقیقات کا دباؤ ہے یا جےآئی ٹی رپورٹ کا خوف، پاناما کیس لیگی رہنماؤں کے اعصاب پر سوار ہے، منی ٹریل کے سوالات پریشان لیگی رہنماؤں کی زبان دماغ کا ساتھ چھوڑنے لگی۔

پاناما کیس کے الزامات کی زد میں آنے والے شریف خاندان کا دفاع کرتے کرتے لیگی رہنما جوش خطابت میں ہوش بھلانے لگے ہیں۔ اپنے لیڈر کی بےگناہی کی وضاحتیں دینے والے اپنے قائد کو مرحوم کہہ گئے۔

جے آئی ٹی کے سامنے حسین نواز کی چھٹی پیشی پر لیگی رہنما طلال چوہدری اپنے قائد سے وفاداری نبھاتے ہوئے تھکاوٹ کا شکارتھے یا پھر یادداشت کی کمزوری کے باعث حوالات میں نواز شریف کے ساتھ مشرف کا بھی ذکر کربیٹھے۔

فیڈرل جوڈیشل اکیڈمی کے باہر میڈیا سے گفتگو کرتے ہوئے ان کا کہنا تھا کہ ’’حسین نواز کی منی ٹریل ان کے مرحوم والد سے لے کر اس کے اپنے تک کا ایک ایک سچ قوم بھی جانتی ہے‘‘ ۔


 مزید پڑھیں: جے آئی ٹی کا تماشا ایک ہفتہ کا رہ گیا، طلال چوہدری


ایک موقع پر انہوں نے کہا کہ پرویز مشرف نےبھی اسی کہانی پر نواز شریف کا ٹرائل کرنے کی کوشش کی وہ کہانی سچی ہوتی تو ثابت ہوتی، اس وقت تو پراسیکیوٹر بھی اپنا تھا جج بھی پی سی او زدہ تھے، اور ’’جب مشرف اور میاں نواز شریف بھی قید میں تھے‘‘۔

Print Friendly, PDF & Email

Comments

comments

یہ بھی پڑھیں