The news is by your side.

Advertisement

مزارقائد کی بے حرمتی کیس: مریم نواز اور کیپٹن (ر)صفدر کیخلاف مقدمہ ‘جھوٹا’ قرار

کراچی :مریم نواز ،کیپٹن (ر)صفدر کیخلاف مزارقائد کی بے حرمتی کیس میں پولیس نے تفتیش کے بعد مقدمے کو جھوٹا قرار دے دیا اور املاک کو نقصان پہنچانے سمیت دھمکیوں کےالزامات خارج کردیئے۔

تفصیلات کے مطابق کراچی سٹی کورٹ میں مریم نواز ،کیپٹن (ر)صفدر کیخلاف مزارقائد کی بے حرمتی کیس کی سماعت ہوئی ، جس میں
پولیس نے استغاثہ کے اعتراضات دور کرکے حتمی چالان جمع کرادیا۔

پولیس نے تفتیش کے بعد مقدمے کو جھوٹا قرار دے دیا، چالان میں کہا گیا کہ کال ریکارڈکےمطابق مدعی واقعےکے وقت مزارقائدپرنہیں تھا، مزار قائدکی سی سی ٹی وی فوٹیج میں بھی مدعی مقدمہ موجود نہیں۔

چالان میں کہا گیا کہ مریم نوازکی مزارقائدحاضری کےوقت مزارعام شہریوں کیلئےبند تھا، پولیس نے املاک کونقصان پہنچانے،دھمکیوں کےالزامات خارج کردیئے۔

استغاثہ نے کہا ہے کہ مزار قائدسیفٹی اینڈ مین ٹیننس آرڈننس دائرہ اختیار میں نہیں، ایس ایچ اوچاہےتومزار قائد آرڈیننس کیلئےعلیحدہ کیس داخل کرسکتاہے۔

محکمہ پراسیکیوشن نے پولیس چالان سے اتفاق کرتے چالان کو بی کلاس کردیا۔

یاد رہے کہ انیس اکتوبر کی شب مزارقائد کے تقدس کی پامالی کے الزام میں پولیس نے کیپٹن(ر)صفدرکو گرفتارکیا تھا، ان کی گرفتاری نجی ہوٹل سےعمل میں لائی گئی، کیپٹن(ر)صفدر کو گرفتاری کے بعد عزیز بھٹی تھانے منتقل کیا گیا تھا۔

بعد ازاں مزار قائد کے تقدس کی پامالی پر مریم نواز اور کیپٹن صفدر کےخلاف مقدمہ درج کیا گیا تھا، مقدمہ شہری کی مدعیت میں بریگیڈ تھانے میں علی الصبح درج کیا گیا تھا، مقدمہ قائداعظم مزار آرڈیننس کی خلاف ورزی کی دفعہ کے تحت درج کیا گیا، بریگیڈ تھانے میں درج مقدمے میں مزید 200نامعلوم افراد بھی نامزد کئے گئے تھے۔

Comments

یہ بھی پڑھیں