دنیا کے سست و کاہل ترین جانوروں کی ویڈیو سوشل میڈیا پر وائرل ہوگئی۔
دنیا بھر میں بہت سے ایسے افراد اور جاندار موجود ہیں جنہیں سستی اور کاہل ہونے کے القابات سے نوازا جاتا ہے لیکن جو ویڈیو ہم آپ کو دکھارہے ہیں اس میں کوئی انسان نہیں بلکہ جانور سستی کی مثالیں قائم کررہے ہیں۔
مائیکل اینڈریس نامی فیس بک صارف نے دنیا بھر کے مختلف پالتو، آوارہ و جنگلی جانوروں کی ویڈیو سوشل میڈیا پر شیئر کی ہے۔
ویڈیو میں دیکھا جاسکتا ہے کہ ایک بلی اس قدر سستی دکھا رہی ہے کہ سیڑھیوں سے لیٹے لیٹے اترنے کی کوشش کررہی ہے جبکہ آوارہ کتا سپر مارکیٹ کا دروازہ ٹکرانے کے باوجود بھی اٹھنے کو تیار نہیں۔
ویڈیو کے اختتامی حصے میں چڑیا گھر میں قید ایک سفید بھالو گھسٹ گھسٹ کر آگے بڑھ رہا ہے لیکن اٹھ کر چل نہیں رہا جبکہ کچھ جانوروں کو ان کے مالک یا ساتھی جانور زبردستی گھیسٹ رہے ہیں لیکن وہ اٹھنے تیار نہیں۔
