The news is by your side.

Advertisement

پولیس نے چور کا طوطا بھی گرفتار کر کے لاک اپ کر دیا

نیدرلینڈز: پولیس نے بولنے والے ایسے طوطے کو حراست میں لے کر تھانے میں بند کر دیا ہے جس کے بارے میں کہا جا رہا ہے وہ اپنے چور مالک کے خلاف گواہی دے سکتا ہے۔

تفصیلات کے مطابق ایک ڈچ طوطے کو پولیس نے گرفتار کر کے لاک اپ کر دیا ہے، پولیس کا کہنا ہے کہ انھوں نے طوطے کو گواہ کے طور پر تحویل میں لیا ہے۔

پولیس کا دعویٰ ہے کہ طوطے نے اپنے مالک کے خلاف چوری کی گواہی دی ہے۔

یہ واقعہ نیدرلینڈز کے شہر یوٹریکٹ میں پیش آیا، پولیس کے مطابق ایک دکان میں چوری کرنے والے مشتبہ شخص کو گزشتہ جمعرات کو گرفتار کیا گیا تو اس وقت اس کے کندھے پر طوطا بھی بیٹھا ہوا تھا۔

پولیس نے کہا ہے کہ چور مالک کے خلاف گواہی میں یہ بولتا طوطا مددگار ہو سکتا ہے۔

یہ بھی پڑھیں:  پالتو کتوں کو 24 گھنٹے باندھے رکھنے پر 4 ہزار ڈالر جرمانہ ہوگا

طوطے کو حراست میں لیے جانے کے بعد اسے رکھنے کا مسئلہ پیدا ہو گیا تھا، پولیس کے مطابق تھانے میں کوئی پنجرا نہ ہونے کے سبب اسے مجرموں کے عام سیل میں رکھا گیا۔

پولیس اہل کاروں کی جانب سے لاک اپ میں طوطے کو پانی اور سینڈوچ بھی کھانے کو دی گئی۔

پولیس کی جانب سے انسٹاگرام پر زیر حراست طوطے کی تصویر جاری کیے جانے کے بعد لوگوں نے پولیس کو تنقید کا نشانہ بنایا اور طوطے کے ساتھ ہم دردی کا اظہار کیا۔

طوطے کو حراست میں دیکھ کر کچھ لوگوں نے اس کے لیے قانونی معاونت کی پیش کش بھی کی۔

Comments

comments

یہ بھی پڑھیں