لاہور: کرونا کے بڑھتے ہوئے کیسز کے پیش نظر پنجاب میں مسلم لیگ ن کے سیکریٹریٹ اور علاقے کو سیل کردیا گیا۔
اے آر وائی نیوز کے مطابق لاہور کے علاقے ماڈل ٹاؤن میں مقامی انتظامیہ نے اسمارٹ لاک ڈاؤن نافذ کر کے مسلم لیگ ن کے سیکریٹریٹ کو بھی سیل کردیا۔
سیکریٹریٹ سیل کرنے کی کارروائی اسسٹنٹ کمشنر مال روڈ کی زیر نگرانی کی گئی۔ مسلم لیگ ن کے دفتر کو سیل کرنے کے بعد مکان نمبر 180 ایچ کے باہر پولیس اہلکاروں کو تعینات کردیا گیا۔
اسسٹنٹ کمشنر کے مطابق 6 پولیس اہلکار اور ضلعی انتظامیہ کاعملہ چوبیس گھنٹے ڈیوٹی پر مامور رہے گا، مسلم لیگ ن کو بھی کسی سرگرمی کی اجازت نہیں ہوگی۔
دوسری جانب مسلم لیگ ن کی ترجمان مریم اورنگزیب نے سیکریٹریٹ سیل ہونے کی تصدیق کرتے ہوئے کہا کہ ’ اسمارٹ لاک ڈاؤن کے باعث 180 ایچ کی گلی سیل کو سیل کیا گیا، ہمارا سیکریٹریٹ بھی اسمارٹ لاک ڈاؤن والے علاقے کی حدود میں واقع ہے‘۔
