کراچی : کورونا کے بڑھتے کیسز کے پیش نظر کورنگی کے ہاٹ اسپاٹ علاقوں میں اسمارٹ لاک ڈاؤن نافذ کردیا گیا ، اسمارٹ لاک ڈاؤن2ہفتےکیلئے 23ستمبر تک نافذ العمل ہوگا۔
تفصیلات کے مطابق ڈپٹی کمشنر کورنگی نے ہوٹ اسپاٹ ایریاز کی نشاندہی کے بعد کورنگی کے مخصوص علاقے اور گلیوں میں اسمارٹ لاک ڈائون نافذ کردیا ، اسمارٹ لاک ڈائون کا نفاذ دوہفتوں کے لیے تئیس ستمبر تک نافذالعمل رہے گا۔
کورنگی کے علاقے یوسی دس اور ماڈل کالونی یو سی ایک میں کیسز رپورٹ ہوئے ، ڈی سی کورنگی نے بتایا کہ دو یوسیز میں تیرہ کورونا کیسز رپورٹ سامنے آنے کے بعد لاک ڈائون نافذکیا گیا ہے۔
ڈسٹرکٹ کورنگی کے سب ڈویژن کورنگی کے یونین کونسل نمبر 10 اور ماڈل سب ڈویژن کےیونین کونسل نمبر 1 میں مائیکرواسمارٹ بھی لاک ڈاؤن نافذ کیا گیا ، لاک ڈاؤن ہاٹ اسپاٹ علاقوں میں ڈسٹرکٹ ہیلتھ آفیسر کی رپورٹ کے مطابق لگایا گیا ہے۔
نوٹیفکیشن میں کہا گیا ہے کہ مائیکرو اسمارٹ لاک ڈاؤن والے ایریاز میں کسی بھی قسم کی اجتماعات اور تقریبات پر مکمل پابندی ہوگی اور ہاٹ اسپاٹ ایریاز میں ایس او پیز پر سختی عملدرآمد کروایا جائے گا۔
نوٹیفیکیشن کے مطابق مائیکرو اسمارٹ لاک ڈاؤن والے ایریاز میں ماسک کا استعمال لازمی قرار دیتے ہوئے کہا گیا ہے کہ اسسٹنٹ کمشنر کورنگی اور اسسٹنٹ کمشنر ماڈل اپنے اپنے سب ڈویژن میں اسمارٹ لاک ڈاون والے علاقے میں ایس او پیز کو لازمی فالو کروائیں۔
