تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: سرکاری ایپس جو ہر شخص کے لیے لازمی ہیں

کرونا وائرس کی وبا کے دوران سعودی عرب میں سرکاری محکموں کی جانب سے کئی اسمارٹ فون ایپس جاری کی گئیں جن پر رجسٹر ہونا مملکت میں تمام مقامی اور غیر ملکی افراد کے لیے لازمی ہے۔

سعودی ویب سائٹ کے مطابق وزارت صحت کی جانب سے صحتی ایپ کی کامیابی کے بعد اس سروس کو وسعت دی گئی تاکہ لوگوں کو سہولت ہو، صحتی ایپ کی کامیابی کے بعد اپریل 2020 میں وزارت صحت نے ایک اور ایپ جاری کی جسے تطمن کا نام دیا گیا۔ یہ ایپ بھی پلے اسٹور پر موجود ہے۔

تطمن ایپ کو ایسے افراد کے لیے، جنہیں شک ہو کہ وہ کرونا میں مبتلا ہو سکتے ہیں، خصوصی طور پر ڈیزائن کیا گیا تھا۔

ایپ بنیادی معلومات کے تحت خود کار طریقے سے یہ معلوم کرتی ہے کہ رجسٹرڈ ہونے والے شخص کے کرونا وائرس میں مبتلا ہونے کا امکان ہے یا نہیں۔

صحتی ایپ سے کرونا چھٹی کی درخواست

وزارت صحت کی جانب سے کرونا کے مریض کو 14 دن کی چھٹی کی اجازت دی جاتی ہے، اس دوران انہیں ہدایت کی جاتی ہے کہ وہ گھروں سے باہر نہ جائیں۔ مریضوں کے لیے سرکاری طور پر میڈیکل سرٹیفیکیٹ جاری کرنے کے انتظامات بھی کیے گئے ہیں۔

توکلنا ایپ

وزارت کی ایک اور ایپ توکلنا ہے جو ان دنوں غیر معمولی اہمیت کی حامل ہے، مملکت میں کرونا وائرس کی دوسری لہر کے بعد اس ایپ میں اکاؤنٹ کو لازمی قرار دیا گیا ہے۔

توکلنا ایپ کے ذریعے رجسٹرڈ شخص کے بارے میں کرونا سے متعلق معلومات حاصل کی جا سکتی ہیں، اگر کوئی شخص کرونا میں مبتلا ہوتا ہے تو اس کے ہوم پیج پر متاثر لکھا ہوتا ہے جبکہ صحت یاب یا مبتلا نہ ہونے کی صورت میں ایپ کا ہوم پیج سبز رنگ ظاہر کرتا ہے۔

اعتمرنا ایپ

وبا کے آغاز کے ساتھ ہی مملکت میں تمام سرگرمیاں معطل کردی گئی تھیں جس کے بعد 21 مارچ 2020 سے بین الاقوامی پروازوں کی آمد و رفت پر بھی پابندی عائد کی گئی اور عمرہ کی ادائیگی اور مسجد الحرام سمیت تمام مساجد میں نماز باجماعت کی ادائیگی بھی احتیاطی طورپر روک دی گئی تھی۔

کرونا وائرس پر قابو پانے کے بعد مرحلہ وار پابندیاں اٹھائے جانے پر وزارت صحت اور نیشنل انفارمیشن سینٹر کے تعاون سے اعتمرنا ایپ لانچ کی گئی، جس کا مقصد منظم انداز میں لوگوں کو عمرہ اور حرمین شریفین میں نماز باجماعت کی ادائیگی کی اجازت فراہم کرنا تھا۔

اعتمرنا ایپ میں اکاؤنٹ بنانے کے بعد عمرے کی ادائیگی کے لیے دستیاب دن اور وقت کا تعین کیا جاتا ہے۔ اعتمرنا ایپ سمارٹ فون پر انسٹال کیے جانے کے بعد اس پر آنے والے بار کوڈ کو مسجد الحرام کے داخلی راستوں میں موجود اہلکار چیک کرتے ہیں جس کے بعد ہی داخل ہوا جا سکتا ہے۔

Comments

- Advertisement -