تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

‘اسمارٹ واچ’ کی بیٹری کی زندگی کس طرح بڑھائی جاسکتی ہے؟ طریقے جانئے

ایسے طریقے جو اسمارٹ واچ کی بیٹری کی زندگی کو بڑھا سکتے ہیں۔

اسمارٹ واچ نے ہر عمر کے افراد کے درمیان مقبولیت حاصل کر رکھی ہے، اس مقبولیت کی بڑی وجہ اس میں پائے جانے والے دلچسپ فیچرز ہیں، لیکن ان تمام فیچرز کو اپنی کارکردگی کا مظاہرہ کرنے کے لیے بیٹری کی ضرورت ہوتی ہے۔اسمارٹ واچ کو اگر مناسب طریقے سے استعمال نہ کیا جائے تو اس کی بیٹری بہت جلد خرچ ہوجاتی ہے جس سے اسے بار بار چارج کرنا پڑتا ہے، تاہم یہاں چند ایسے طریقے بتارہے ہیں جن پر عمل کر کے آپ اپنی اسمارٹ واچ کی بیٹری کو ایک طویل وقت تک چلا سکتے ہیں۔

اسمارٹ واچ کو اپڈیٹ رکھیں

کمپنی کی جانب سے جیسے ہی اسمارٹ واچ کی کوئی اپڈیٹ جاری کی جائے اسے لازمی انسٹال کرلیں، اس طرح نہ صرف ایپس کی کارکردگی بہتر ہوگی بلکہ بیٹری کی بچت بھی ممکن ہوگی۔

غیر ضروری نوٹیفیکیشن سے چھٹکارا

آپ کو چاہیے کہ اپنی اسمارٹ واچ پر موصول ہونے والی غیر ضروری نوٹیفیکیشن کو بند کردیں بس ان نوٹیفیکیشن کو آن رکھیں جنہیں آپ لازمی چیک کرتے ہیں۔

سادہ واچ فیس کا استعمال

سادہ واچ فیس ایک زبردست فیچر ہے جس کی مدد سے آپ اسمارٹ واچ کے مختلف ڈائل منتخب کرسکتے ہیں لیکن بہت زیادہ متحرک واچ فیس آپ کی بیٹری بھی بہت زیادہ خرچ کرتا ہے اس لیے بہت آسان اور سادہ واچ فیس منتخب کریں تاکہ اسمارٹ واچ طویل وقت تک چل سکے۔

آن ڈسپلے کا نقصان

اکثر لوگ اسمارٹ واچ کا ڈسپلے آن رکھتے ہیں لیکن ان کا یہ عمل بھی بیٹری کے لیے نقصان دہ ثابت ہوتا ہے، زیادہ تر اسمارٹ واچز اس فیچر کے ایکٹو کرتے ہوئے اس بات کی وارننگ بھی دیتی ہیں کہ اس سے زیادہ بیٹری خرچ ہوگی۔

Comments

- Advertisement -