بچے کو ڈسنے والا سانپ خود ہی تڑپ تڑپ کر مر گیا

بھارت میں چار سالہ بچے کو ڈسنے والا خطرناک سانپ حیران کُن طور پر خود ہی تڑپ تڑپ کر دم توڑ گیا جب کہ بچہ بالکل صحت مند ہے۔

یہ واقعہ ریاست بہار کے شہر گوپال گنج میں پیش آیا جہاں چار سالہ بچہ گھر کے باہر دیگر بچوں کے ساتھ کھیل رہا تھا کہ اس دوران سانپ نے اسے کاٹ لیا اور دیگر بچے ڈر کر بھاگ گئے۔

آپس پاس موجود لوگ جب سانپ کو مارنے کے لیے لاٹھی اور ڈنڈے لے کر پہنچے تب تک سانپ تڑپ تڑپ کر مر چکا تھا۔

اہل خانہ نے متاثرہ بچے کو فوری طور پر اسپتال منتقل کیا جہاں ڈاکٹروں نے مکمل معائنہ کر کے بچے کو صحت مند قرار دے دیا اور کہا کہ اس کی جان کو کوئی خطرہ نہیں۔

بچے کے علاج کی آسانی کے لیے اہل خانہ مرے ہوئے سانپ کو بھی اسپتال لائے گئے تھے۔ بہرحال ڈاکٹر پریشان ہیں کہ زہریلا سانپ بچے کو کاٹ کر خود کیسے مر گیا اور یہ اب ایک معمہ بن گیا ہے۔

Comments