The news is by your side.

Advertisement

بزرگ شہری کی ٹانگوں سے ’سانپ‘ لپٹ گیا؟

سڑک سے گزرنے والے بزرگ شہری نے ٹانگوں سے لپٹتے خطرناک سانپ کو ہاتھوں سے پکڑ کر دیکھنے والوں کو حیران کر دیا، ضعیف شہری کے حیران کن اقدام کی ویڈیو نے انٹرنیٹ پر دھوم مچادی۔

سوشل میڈیا پر ایک ویڈیو تیزی سے وائرل ہورہی ہے جس میں دیکھا جاسکتا ہے کہ ایک بزرگ شہری کی ٹانگوں پر طویل القامت انتہائی خوفناک سانپ لپٹا ہوا ہے۔

ویڈیو میں دیکھا جاسکتا ہے کہ سانپ سڑک کنارے کھڑے شہری کی ٹانگوں سے لپٹا ہے، دراصل عمر رسیدہ شخص سڑک کنارے چلتا ہوا اپنی منزل کی جانب جارہا تھا کہ اچانک خوفناک سانپ نے بزرگ شہری پر حملہ کردیا اور ان کی ٹانگوں سے لپٹ گیا۔

شہری نے ہمت کا مظاہرہ کرتے ہوئے سانپ کا منہ اپنے ہاتھوں میں دبا لیا لیکن تب تک سانپ ان کی ٹانگوں کو بری طرح اپنی لپیٹ میں لے چکا تھا۔

ویڈیو میں ایک اور شخص بھی نظر آرہا ہے جو سانپ کو ضعیف شخص کی ٹانگوں سے نکالنے میں مدد کررہا ہے۔

تھوڑی دیر کی محنت کے بعد سانپ ٹانگوں سے الگ ہوا تو بزرگ شہری نے خوفناک جانور پر اپنے غصّے کا اظہار کرتے ہوئے سانپ کی گردن اپنے ہاتھوں سے پکڑ کر موڑ دی۔

ضعیف شخص نے سانپ سے بدلہ لینے کےلیے اپنی لاٹھی سے اس پر حملہ کرکے اسے مار ڈالا، جس پر کچھ شہریوں نے بزرگ شخص پر برہمی کا اظہار کیا جب کہ کچھ نے بزرگ شخص کی بہادری پر داد دی۔

Comments

یہ بھی پڑھیں