نئی دہلی: اے ٹی ایم سے پیسے نکلتے تو آپ نے ہمیشہ ہی دیکھے ہیں لیکن کبھی سانپ نکلتے نہیں دیکھا ہوگا۔
بھارتی ریاست تامل ناڈو میں یہ انوکھا واقعہ پیش آیا جہاں اے ٹی ایم مشین سے اچانک سانپ نکل آیا، جس کے بعد شہریوں میں خوف و ہراس پھیل گیا۔
تامل ناڈو کے نجی بینک کی ایک اے ٹی ایم مشین کے اندر 4 فٹ لمبا کوبرا سانپ گھس آیا جس کے باعث اے ٹی ایم سے پیسے نکلوانے کے لیے آنے والے شہری مشین میں سانپ دیکھ کر خوفزدہ ہوگئے۔
واقعے کے بعد فوری ریسکیو ٹیموں کو بلایا گیا جس پر ریسکیو اہلکار نے کئی منٹوں کی جدوجہد کے بعد سانپ کو اے ٹی ایم سے باہر نکالا۔
#WATCH Tamil Nadu: A Snake found inside an ATM near Thaneerpandal Road in Coimbatore; later rescued by a snake catcher. ( 23.04.2019) pic.twitter.com/Yk6YSOIQVn
— ANI (@ANI) April 24, 2019
ویڈیو میں دیکھا جاسکتا ہے کہ ریسکیو اہلکار اوزار کی مدد سانپ کو پکڑ رہا ہے۔
واضح رہے کہ گزشتہ روز بھارت میں تیسرے مرحلے کے انتخابات کے دوران ریاست کیرالا میں وی وی پی اے ٹی مشین سے سانپ نکل آیا تھا۔
ووٹنگ مشین سے سانپ نکلنے پر شہری خوفزدہ ہوگئے تھے، سانپ کو کچھ دیر بعد مشین سے نکال لیا گیا تھا جس کے بعد ووٹرز نے اپنا ووٹ کاسٹ کیا۔
