تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

اسٹریٹ کرمنلز نے حد کر دی، جوڈو کے طالب علم سے سو روپے چھین لیے (ویڈیو)

کراچی: شہر قائد کے اسٹریٹ کرمنلز چندی چوروں کو بھی مات دے گئے، کچھ نہ ملا تو کم عمر طالب علم کی جیب سے 100 روپے ہی نکال لیے۔

اے آر وائی نیوز کے مطابق گزشتہ رات ناظم آباد نمبر ایک میں ٖواردارت کے دوران 2 اسٹریٹ کرمنلز نے شلوار قمیض میں ملبوس جوڈو کراٹے کے ایک طالب علم کو گھر کے دروازے پر گھیر لیا، تاہم اسنیچرز کو اس کے پاس سے صرف سو روپے ہی مل سکے۔

اے آر وائی نیوز کو واقعے کی سی سی ٹی وی فوٹیج بھی موصول ہو گئی، جس میں دیکھا جا سکتا ہے کہ کچھ نہ ملنے پر چور طالب علم سے 100 روپے ہی چھین کر موٹر سائیکل پر بیٹھ کر فرار ہو گئے۔

معلوم ہوا کہ مذکورہ لڑکا کراٹے کا طالب علم ہے، اور وہ کلاس لینے کے لیے سینٹر پہنچا تھا، ابھی وہ دروازے ہی پر تھا، اور اسے کھولنے کی کوشش کر رہا تھا کہ موٹر سائیکل پر سوار 2 ملزمان پہنچ گئے۔

ایک ملزم نے اتر کر نوجوان کی مکمل تلاشی لی، ملزم نے لڑکے کی کمر پر لٹکے بیگ کو بھی کھنگالا، بیگ میں نوجوان کے کراٹے کا لباس موجود تھا، کچھ نہ ملا تو طالب علم کی جیب میں موجود سو روپے ہی نکال لیے۔

ویڈیو کے مطابق جوڈو طالب علم نے سفید شلوار قمیض پہنی ہوئی تھی اور سر پر سفید ٹوپی تھی۔

ویڈیو میں دیکھا جا سکتا ہے کہ ملزم کتنی دیر تک کھڑا نوجوان کی تلاشی لیتا رہا، واردات کے دوران دونوں ملزمان میں سے کسی نے چہرہ بھی نہیں ڈھانپا ہوا تھا، جس سے معلوم ہوتا ہے کہ کراچی میں اسٹریٹ کرمنلز کو کسی قسم کا خوف لاحق نہیں ہے۔

Comments

- Advertisement -