The news is by your side.

Advertisement

عامر طفیل سوئی ناردرن گیس کمپنی کے نئے ایم ڈی مقرر

اسلام آباد : سوئی ناردرن گیس کمپنی کے ڈپٹی مینیجنگ ڈائریکٹر عامر طفیل کو کمپنی کا نیا ایم ڈی تعینات کردیا گیا ہے، ملک میں حالیہ گیس بحران کے بعد سوئی ناردن گیس کمپنی کے ایم ڈی امجد لطیف کو ان کے عہدے سے ہٹا دیا گیا تھا۔

تفصیلات کے مطابق عامر طفیل کو سوئی ناردرن گیس کمپنی کا نیا ایم ڈی تعینات کردیا گیا ہے، بورڈ آف ڈائریکٹرز کے اجلاس میں عامر طفیل کو نیا ایم ڈی تعینات کرنے کی منظوری دے دی گئی۔

عامر طفیل اس سے قبل ڈپٹی ایم ڈی کےطور پر کام کررہے تھے۔

دوسری جانب سوئی سدرن گیس ہیڈ کوارٹرز میں بورڈ آف ڈائریکٹرز کے ہنگامی اجلاس میں قائم مقام ایم ڈی کے لیے عرفان ظفر ، سید رضوی اور محمد وسیم کے ناموں پر غور کیا جارہا ہے، گیس بحران کے باعث امین راجپوت کو ایم ڈی کے عہدے سے ہٹایا گیا تھا۔

یاد رہے ملک میں حالیہ گیس بحران کے بعد سوئی ناردن گیس کمپنی کے ایم ڈی امجد لطیف اور سوئی سدرن گیس کے ایم ڈی امین راجپوت کو انکے عہدے سے ہٹا دیا گیا تھا۔

گذشتہ روز وفاقی وزیر اطلاعات فواد چوہدری نے سوئی سدرن اور سوئی ناردرن کے سربراہان کو ہٹانے کی تصدیق کی تھی اور اپنے ٹویٹ میں کہاتھا کہ حالیہ دنوں میں عوام کوگیس کے شدید بحران کا سامنا رہا، وزیراعظم نے گیس بحران کے ذمہ دار کے تعین کے لئے کمیٹی بنا دی ہے۔

مزید پڑھیں : فواد چوہدری کی سوئی سدرن اور سوئی ناردرن کے سربراہان کو ہٹانے کی تصدیق

وزیراطلاعات فوادچوہدری کا کہنا تھا کہ سوئی سدرن اور سوئی ناردرن کے سربراہان کو ہٹانے کا اعلان کیا گیا، وزیراعظم نے سربراہان کو ہٹانے کا اعلان رپورٹ کو مدنظر رکھتے ہوئے کیا۔

واضح رہے وزیراعظم عمران خان کی زیرصدارت کابینہ کمیٹی برائے توانائی کا اجلاس اسلام آباد میں منعقد ہوا تھا، جس مٰں وزیر اعظم کو حالیہ گیس بحران کی انکوائری رپورٹ پیش کی گئی، انکوائری کمیٹی نے سوئی ناردرن اورسدرن کےایم ڈیز کو گیس بحران کا ذمہ دارقرار دیا تھا اور ایم ڈیز کی فوری بر طرفی کی سفارش کی گئی تھی۔

اجلاس سے خطاب کرتے ہوئے وزیراعظم نے متعلقہ حکام کو ایک ہفتے میں ملک بھر میں میں گیس کی کمی پورا کرنے کی ہدایت کی تھی۔

Comments

comments

یہ بھی پڑھیں