رونالڈو کو ایک تصویر مہنگی پڑ گئی، شدید تنقید -
The news is by your side.

Advertisement

رونالڈو کو ایک تصویر مہنگی پڑ گئی، شدید تنقید

میڈریڈ: نامور فٹبالر کرسٹیانو رونالڈو ایک تصویر شیئر کرنے کے بعد تنازع کی زد میں آگئے جس کے بعد اُن کے خلاف سوشل میڈیا پر نیا محاذ کھل گیا۔

تفصیلات کے مطابق رونالڈو نے اپنی ایک سیلفی سماجی رابطے کی ویب سائٹ پر شیئر کی جس میں وہ اپنے پرائیوٹ جہاز میں سفر کررہے تھے۔ تصویر پر تنقید اس لیے ہوئی کیونکہ کارڈف کی ٹیم سے کھیلنے والے فٹبالر امیلانو صلاح کا طیارہ لاپتہ ہے اور اُن کا کوئی سراغ نہیں مل رہا۔

پرتگالی میڈیا کے مطابق ایک جنگل سے لاپتہ جہاز کا ملبہ ملگ گیا مگر اُن کی تلاش اب تک جاری ہے۔

ایمالانو کو رونالڈو کا حریف سمجھا جاتا ہے اور انہوں نے فٹبالر کی گمشدگی کے دوران یہ تصویر شیئر کی جس پر صارفین نے انہیں شدید تنقید کا نشانہ بنایا۔

پرتگالی صحافی نے رونالڈو کو تصویر شیئر کرنے پر تنقید کا نشانہ بنایا اور کہا کہ ’یہ ایسی تصویر شیئر کرنے کا دن نہیں ہے‘۔

یہ بھی پڑھیں: سعودی عرب : ’رونالڈو کی مداح ہوں انہیں دیکھنے آئی تھی‘

پرتگالی اسٹار فٹبالر نے سماجی رابطے پر ہونے والی تنقید کے باوجود اپنی تصویر سوشل میڈیا سے ہٹانے کا صاف انکار کرتے ہوئے مؤقف اختیار کیا کہ ’میری تصویر سے صلاح کا کوئی لینا دینا نہیں، وہ اچھا کھلاڑی ہے اور امید ہے جلد واپس آجائے گا‘۔

یہ بھی یاد رہے کہ پرتگال کے اسٹار فٹبالر نے ٹیکس فراڈ کیس میں 23ماہ قید کی سزا سے بچنے کے لئے 2کروڑ 16لاکھ ڈالر جرمانہ ادا کرنے کی رضامندی ظاہر کردی۔

انہوں نے گزشتہ روز اپنی ہسپانوی منگیتر کے ہمراہ عدالت میں پیشی دی جس کے بعد وہ مسکراتے ہوئے باہر آئے اور مداحوں کا آٹوگراف بھی دیا۔

یہ بھی پڑھیں: ریڈ کارڈ دکھانے پر ’رونالڈو ‘ رو پڑے

پانچ مرتبہ فٹ بال آف دی ایئر کا اعزاز اپنے نام کرنے والے رونالڈو پر الزام تھا کہ انہوں نے 2011، 2014 اور 2017 میں ٹیکس سے بچنے کے لیے اپنی آمدنی چھپائی جس کے بعد اُن کے خلاف مقدمہ دائر کیا گیا تھا۔

عدالت نے گزشتہ برس رونالڈو کو قصور وار قرار دیتے ہوئے بھاری جرمانہ اور گیارہ ماہ قید کی سزا سنائی تھی البتہ انہوں نے اس فیصلے کو چیلنج کردیا تھا اور حراست کے عوض بھاری جرمانہ بھرنے کی پیش کش کی تھی۔

Comments

comments

یہ بھی پڑھیں