پرتھ: آسٹریلیا اور نیوزی لینڈ کے درمیان جاری پرتھ ٹیسٹ میں آسٹریلوی کھلاڑی اسٹیو اسمتھ سپر مین بن گئے جس کی ویڈیو سوشل میڈیا پر وائرل ہوگئی۔
تفصیلات کے مطابق آسٹریلیا اور نیوزی لینڈ کے درمیان پرتھ میں جاری پہلے ٹیسٹ میچ میں اسٹیو اسمتھ سپر مین بن گئے، دوسری سلپ میں شاندار کیچ پکڑ کرکیوی کپتان ولیم سن کو پویلین واپس بھیج دیا۔
آسٹریلیا نے پہلی اننگز میں 416 رنز بنائے جواب میں نیوزی لینڈ نے بیٹنگ کا آغاز کیا تو ابتدائی وکٹیں جلد گرنے کے بعد کپتان ولیم سن بیٹنگ کے لیے میدان میں اترے لیکن 23ویں اوور میں اسمتھ نے شاندار کیچ تھام کر ولیم سن کو پویلین کی راہ دکھادی۔
Steven Peter Devereux Smith. WOW! @bet365_aus | #AUSvNZ pic.twitter.com/jSAcYlDgj1
— cricket.com.au (@cricketcomau) December 13, 2019
مچل اسٹارک کی گیند پر ولیم سن کے 34 رنز پر آؤٹ ہونے کے بعد کوئی کیوی بلے باز وکٹ پر نہ ٹھہر سکا اور پوری ٹیم 166 رنز پر ڈھیر ہوگئی۔
کرکٹ آسٹریلیا کی جانب سے اسٹیو اسمتھ کی کیچ کی ویڈیو سوشل میڈیا پر جاری کی گئی جو وائرل ہوگئی۔
واضح رہے کہ پرتھ ٹیسٹ میچ میں تیسرے دن کا کھیل ختم ہوگیا آسٹریلیا نے دوسری اننگز میں چھ وکٹوں کے نقصان پر 167 رنز بنالیے ہیں، آسٹریلیا نے نیوزی لینڈ کے خلاف 417 رنز کی برتری حاصل کرلی ہے۔
