The news is by your side.

Advertisement

سوشل میڈیا کی دوستی : رشتے اب پہلے جیسے نہیں رہے

جدید دور کی دنیا میں جہاں انسان کے جینے کے تقا ضے بدل چکے ہیں وہیں ہماری زندگیاں ایسی جدت سے آشنا ہوئی ہیں کہ رشتوں کے مفہوم بھی اب پہلے جیسے نہیں رہے۔

لوگ سوشل میڈیا پلیٹ فارمز فیس بک ، ٹوئٹر، واٹس ایپ اور انسٹاگرام جیسی سماجی رابطے کی ویب سائیٹس پر ہزاروں دوست تو بنا لیتے ہیں لیکن ساتھ ہی ایک گھر میں رہنے والوں کو اتنا دور کر دیا ہے کہ بچوں کے پاس ماں ، باپ کیلئے وقت نہیں ہے اور نہ ہی ماں باپ کے پاس بچوں کی تربیت ان کے مسائل اور ان کے ساتھ ان کی چھوٹی چھوٹی خوشیاں بانٹنے کیلئے وقت ہے۔

یہ ان ہی سائنسی ایجادات کی کرشمہ سازی ہے کہ دور رہنے والے آپ کے قریب ہیں اور ساتھ رہنے والے بیگانہ ، اجنبی دوست ہیں اور اپنے قریبی رشتوں سے ملنے کیلئے ہمارے پاس ٹائم ہی نہیں ہوتا۔

اس حوالے سے اے آر وائی نیوز کے پروگرام باخبر سویرا میں موٹیوشنل اسپیکر قاسم علی شاہ نے گفتگو کرتے ہوئے بتایا کہ دوستی کا تعلق ہمارے اپنے رویوں اور خوبیوں کے ساتھ ہے۔

انہوں نے کہا کہ شہرت کا سفر انسان کو تنہائی کی طرف لے جاتا ہے کیونکہ انسان جتنا مشہور ہوتا چلا جاتا ہے اس کیلئے اتنا ہی مشکل ہوجاتا ہے کہ وہ اپنا دکھ کسی کو سنا سکے۔

انہوں نے کہا کہ سوشل میڈیا پر ایسے دوست ملتے ہیں جو آپ دکھ صرف سن سکتے ہیں جبکہ اصل دوست صرف وہ ہے جو آپ کے پاس ہو اور آپ کے دکھ میں شریک ہوکر ساتھ کھڑا ہو۔

 

Comments

یہ بھی پڑھیں