تازہ ترین

سوڈان : بحری جہاز ڈوب گیا، 15ہزار سے زائد بھیڑیں ہلاک

خرطوم : سوڈان کے بحیرہ احمر کی بندرگاہ میں ہزاروں بھیڑوں سے بھرا ہوا بحری جہاز ڈوب گیا تاہم عملہ کو ڈوبنے سے بچالیا گیا۔

یہ واقعہ بحیرہ احمر کی بندرگاہ سوکین میں پیش آیا، جہاں مویشیوں کا جہاز سوڈان سے جانور برآمد کرکے سعودی عرب لے جا رہا تھا، جہاز میں کئی ہزار جانور موجود تھے جن کو بچایا نہ جا سکا تاہم جہاز کا عملہ بالکل محفوظ رہا۔

سوڈانی بندرگاہ کے سینئر اہلکار کے مطابق بحری جہاز بدر ون اتوار کی صبح ڈوب گیا، جہازمیں 9 ہزار بھیڑوں کی گنجائش تھی لیکن اس میں 15 ہزار800 بھیڑیں سوار کی گئی تھیں جو حادثے کا سبب بنا۔

ایک اور اہلکار کے مطابق عملے کو ڈوبنے سے بچا لیا گیا ہے لیکن حادثے کے معاشی اور ماحولیاتی اثرات پر تشویش ہے۔

ایسوسی ایشن کے لائیو اسٹاک ڈویژن کے سربراہ صالح سلیم نے کہا کہ ڈوبنے والے مویشیوں کی کل مالیت تقریباً 75 کروڑ 60 لاکھ تھی انہوں نے واقعے کی تحقیقات کا مطالبہ کیا۔

انہوں نے کہا کہ مویشیوں کے مالکان صرف700 کے قریب بھیڑیں ڈوبنے سے بچا سکے ہیں لیکن وہ بہت بیمار ہیں اور ان کے زندہ بچنے کے کوئی امکانات نہیں۔

Thousands of sheep drown as Sudan ship sinks | ABS-CBN News

گزشتہ ماہ اسی سوکین بندرگاہ کے کارگو ایریا میں آگ بھڑک اٹھی تھی جو گھنٹوں جاری رہی اور اس سے بھی بھاری نقصان ہوا تھا۔

 

Comments

- Advertisement -