لاہور: بغیر ہیلمٹ موٹر سائیکل چلانے والوں کو ٹریس کرنے کے لئے سوفٹ ویئر تیارکرلیا، سوفٹ ویئرکی مدد سے بغیرہیلمٹ موٹر سائیکلز چلانے والوں کو پکڑا جائے گا۔
تفصیلات کے مطابق بغیر ہیلمٹ کے موٹر سائیکل سوار اب بچ نہیں پائیں گے اور ٹریفک قوانین کی پاسداری نہ کرنے والے رائیڈرز اب ریڈار پر آئیں گے۔
پنجاب سیف سٹیز اتھارٹی نے بغیر ہیلمٹ موٹرسائیکل چلانے والوں کو ٹریس کرنے کے لئے سوفٹ ویئر تیار کرلیا۔
پنجاب میں آرٹیفیشل انٹیلیجنس ٹیکنالوجی کے ذریعے ٹریفک قوانین کا نفاذ یقینی بنانے کے لیےاقدامات جاری ہیں اور اب اسی سلسلے کی کڑی میں پنجاب سیف سٹیزاتھارٹی نے سی سی ٹی وی کیمرےکی مدد سےبغیر ہیلمٹ موٹر سائیکل سواروں کی نشاندہی کرنے کا منصوبہ بنایا ہے۔
اس پروجیکٹ میں ایک سوفٹ ویئرکی مدد سے بغیرہیلمٹ موٹر سائیکلز چلانے والوں کو پکڑاجائے گا اور پھر اُن موٹر سائیکل سواروں کے خلاف جرمانوں سمیت مزید کارروائی ہوگی۔
