پشاور: نئے وزیر اعلیٰ سہیل آفریدی حفاظتی ضمانت کیلئے عدالت پہنچ گئے ،تاہم پشاور ہائی کورٹ نے درخواست آج سماعت کیلئے مقرر کردی ہے۔
تفصیلات کے مطابق وزیراعلیٰ خیبرپختونخوا سہیل آفریدی نے اپنے خلاف درج مقدمات کی تفصیلات اور حفاظتی ضمانت کے حصول کے لیے پشاور ہائیکورٹ سے رجوع کر لیا۔
وزیراعلیٰ کی جانب سے درخواست ایڈووکیٹ بشیر وزیر کے ذریعے دائر کی گئی۔
درخواست میں مؤقف اختیار کیا گیا ہے کہ سہیل آفریدی خیبرپختونخوا کے موجودہ وزیر اعلیٰ ہیں اور ان کے خلاف درج مقدمات کی تفصیلات فراہم کی جائیں تاکہ قانونی کارروائی کی تیاری کی جا سکے۔
درخواست میں مزید استدعا کی گئی ہے کہ وزیراعلیٰ کی درخواست پر سماعت آج ہی مقرر کی جائے تاکہ انہیں آئینی و قانونی تحفظ فراہم کیا جا سکے۔
دوسری جانب پشاور ہائی کورٹ میں وزیراعلیٰ کےپی کی حفاظتی ضمانت کیلئے درخواست آج سماعت کیلئے مقرر کردی گئی ہے۔
جسٹس اعجاز انور اور جسٹس نعیم انور پر مشتمل ہائیکورٹ کا 2 رکنی بینچ سماعت کرے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں