کراچی: وزیر داخلہ سندھ سہیل انور سیال کا کہنا ہے کہ راؤ انوار کو تحفظات تھے تو آئی جی کو بتانا چاہیئے تھا۔ میں نے راؤ انوار کے تحفظات دور کرنے کی پیشکش کی تھی۔
تفصیلات کے مطابق سابق ایس ایس پی ملیر راؤ انوار کی گرفتاری کے بعد وزیر داخلہ سندھ سہیل انور سیال نے کہا کہ میں نے راؤ انوار کے تحفظات دور کرنے کی پیشکش کی تھی۔
وزیر داخلہ کا کہنا ہے کہ راؤ انوار کے تحفظات پر تحقیقاتی کمیٹی میں تبدیلی کے لیے کئی بار کہا۔ سپریم کورٹ نے پولیس کی کمیٹی بنا دی ہے۔ سپریم کورٹ کے احکامات کی روشنی میں کیس آگے چلے گا۔
سہیل انور سیال کا کہنا تھا کہ سندھ حکومت سے جو تعاون درکار ہوگا وہ کریں گے۔ بطور وزیر داخلہ ہر شہری کی سیکیورٹی میرا فرض ہے۔
انہوں نے مزید کہا کہ راؤ انوار کو سیکیورٹی خدشات رہے ہیں، انہیں درکار سیکیورٹی دیں گے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
