The news is by your side.

Advertisement

سندھ میں امن و امان کی صورتحال اطمینان بخش ہے: سہیل انور سیال

کراچی: وزیر داخلہ سندھ سہیل انور سیال کا کہنا ہے کہ سندھ میں امن و امان کی صورتحال اطمینان بخش ہے۔ کراچی سے بوری بند لاشیں ملنے کا سلسلہ ختم ہوچکا ہے۔

تفصیلات کے مطابق وزیر داخلہ سندھ سہیل انور سیال نے پریس کانفرنس سے خطاب کرتے ہوئے کہا کہ دہشت گردی کے خلاف فورسز نے کامیاب کارروائیاں کیں۔ سندھ میں امن و امان سے متعلق صورتحال بہتر ہے۔ کراچی میں بہت عرصے بعد قیام امن ممکن ہوسکا ہے۔

وزیر داخلہ کا کہنا تھا کہ کسی کو ملک کا امن خراب کرنے کی اجازت نہیں دیں گے، دشمن کی ہر سازش کو ناکام بنا دیں گے۔ رمضان میں پولیس کی تعیناتی تبدیل ہوتی رہے گی۔

سابق ایس ایس پی ملیر راؤ انوار سے متعلق ان کا کہنا تھا کہ راؤ انوار کے حوالے سے سندھ حکومت پر بہت الزامات لگے۔ ان کے کے خلاف انکوائری جاری ہے۔ ’اگر وہ مجرم ثابت ہوتے ہیں تو انہیں سزا ضرور ملے گی‘۔

سہیل انور سیال کا کہنا تھا کہ راؤ انوار مجرم ثابت نہیں ہوتے تو انہیں دوبارہ تعینات کیا جائے گا۔

انہوں نے کہا کہ شکار پور میں پولیس اہلکاروں کے خلاف نوٹس لیا گیا ہے۔ شکار پور میں 2 اہلکاروں کو کوارٹر گارڈ کر دیا گیا ہے۔

سہیل انور سیال نے مزید کہا کہ کراچی میں بھتہ خوری، بوری بند لاشیں ملنے کا سلسلہ ختم ہو چکا ہے تاہم امن و امان سے متعلق ابھی مزید بہتری لانے کی ضرورت ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں