سہیل انورسیال کوصوبائی وزیرداخلہ کا قلمدان دیئے جانے کا امکان sohail-anwer-sayyal
The news is by your side.

Advertisement

سندھ، سہیل انور کوداخلہ، ناصرحسین کووزیراطلاعات بنائے جانےکا امکان

کراچی : پاکستان پیپلز پارٹی کی جانب سے رکن صوبائی اسمبلی سہیل انورسیال کودوبارہ سے محکمہ داخلہ کا قلمدان دیئے جانے کا امکان ہے جب کہ صوبائی وزیر ٹرانسپورٹ ناصر حسین کو وزارت اطلاعات کا قلمدان ملنے کی امید ہے۔

تفصیلات کے مطابق پاکستان پیپلز پارٹی کی اعلیٰ قیادت نے سندھ حکومت کی صوبائی کابینہ میں رد و بدل کرنے کا فیصلہ کرلیا ہے اور امکان ہے کہ سہیل انور سیال کو دوبارہ سے صوبائی وزیر داخلہ کا قلمدان دے دیا جائے جب کہ ناصر حسین کو وزیر اطلاعات کا منصب دیا جائے گا۔

خیال رہے سید مراد علی شاہ کابینہ میں وزیر داخلہ کی خالی اسامی کو پُرکرنے کا فیصلہ کرلیا گیا ہے جس کے لیے قرعہ فال دوبارہ سے سابقہ صوبائی وزیر سہیل انور سیال کے نام نکلا ہے۔

یاد رہے سہیل انور سیال کو اسد کھرل کی گرفتاری کے موقع پر سندھ رینجرز سے تنازعہ پیدا ہونے کے بعد وزارت سے ہتا دیا گیا تھا جس پر سندھ حکومت اور سندھ رینجرز کے تعلقات کشیدہ ہو گئے تھے۔

دوسری جانب سندھ ہائی کورٹ کی جانب سے مشیر قانون اور مشیر اطلاعات کو کام کرنے سے روکنے کے اقدام کے بعد مشیر اطلاعات مولو بخش چانڈیو کی جگہ صوبائی ٹرانسپورٹ ناصر حسین شاہ کو اضافی قلمدان دینے کا فیصلہ کیا گیا ہے۔

ذرائع کا کہنا ہے کہ اس حوالے سے نوٹیفکیشن آئندہ اڑتالیس گھنٹوں میں جاری کردیا جائے گا۔

Comments

comments

یہ بھی پڑھیں