The news is by your side.

Advertisement

سہیل محمود بھارت میں پاکستانی ہائی کمشنر تعینات

اسلام آباد: دفتر خارجہ کا کہنا ہے کہ سہیل محمود نے بھارت میں پاکستان کے ہائی کمشنر کے عہدے کا چارج سنبھال لیا۔

تفصیلات کے مطابق رواں ماہ ماہ قبل از وقت ریٹائرمنٹ لینے والے عبدالباسط کی جگہ سہیل محمود کو پاکستانی ہائی کمشنر تعینات کیا گیا ہے۔انہوں نے 1985 میں فارن سروس جوائن کی اور اسے قبل ترکی میں بطور پاکستانی سفیر فرائض انجام دے رہے تھے۔

سہیل محمود 1962 میں پیدا ہوئے اور انہوں نے ’تاریخ‘ اور’بین الاقوامی تعلقات‘ میں ماسٹرز کیا ہے۔

ترکی میں پاکستانی سفیر کی حیثیت سے تعیناتی سے قبل سہیل محمود دفتر خارجہ میں ایڈیشنل سیکریٹری کے ذمہ داریاں نبھا رہے تھے۔

یاد رہے کہ اس سے قبل سہیل محمود 2005 سے 2009 کے دوران ڈائریکٹر جنرل، 1995 سے 1998 تک ڈائریکٹر اور1986 سے1991 تک سیکشن افسر کے طور پر بھی فرائض انجام دے چکے ہیں۔


پاکستانی ہائی کمشنر عبدالباسط کا قبل ازوقت ریٹائرمنٹ کا اعلان


واضح رہے کہ اس سے قبل بھارت میں تعینات پاکستان کے ہائی کمشنرعبدالباسط نے سابق وزیراعظم نواز شریف کو اپنی قبل از وقت ریٹائرمنٹ کے لیے درخواست بھجوائی جسے منظور کر لیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں