The news is by your side.

Advertisement

سندھ میں سولر اور ونڈ پاور کا قیام، کابینہ کی زمین کی الاٹمنٹ کی منظوری دیدی

کراچی : سندھ حکومت نے صوبے میں سولر اور ونڈ پاور کے قیام کا فیصلہ کیا ہے، اس سلسلے میں سندھ کے مختلف شہروں میں زمین الاٹ کرنے سے متعلق منظوری دے دی ہے۔

تفصیلات کے مطابق سندھ کابینہ کا اجلاس وزیراعلیٰ سندھ سید مراد علی شاہ کی زیر صدارت وزیر اعلیٰ ہاؤس میں ہوا، اجلاس میں سندھ کابینہ نے سولر اور ونڈ پاور کیلئے زمین الاٹ کرنے سے متعلق غور کیا، جس کیلئے زمین ٹھٹھہ، دادو ،جامشورو میں10مختلف کمپنیز کو الاٹ ہونی ہے۔

اس حوالے سے ذرائع کا کہنا ہے کہ زمین نیشنل ٹرانس میشن اینڈ ڈسپیچ کمپنی کو بھی الاٹ ہونی ہے، مذکورہ زمین30 سال لیز پر دی جائے گی۔

اس کے علاوہ بورڈ آف ریونیو نے زمین کی سالانہ لیز رقم بھی تجویز کی ہے، سندھ کابینہ نے یہ شرط عائد کی ہے کہ قواعد وضوابط پر پورا اترنے والی کمپنیوں کو زمین الاٹ کی جائے گی۔

25مزید پڑھیں : ونڈ پاورکے پروجیکٹس منظوری کے مراحل میں ہیں، وزیراعلیٰ سندھ

واضح رہے کہ15 نومبر کو وزیراعلیٰ سندھ مراد علی شاہ نے ڈنمارک کے سفیر کے درمیان ہونے والی ملاقات میں کلین انرجی کے پروجیکٹس پر گفتگو کرتے ہوئے کہا تھا کہ اس وقت14 ونڈ پاور کے پروجیکٹس منظور ہوگئے ہیں۔

پچیس ونڈ پاور کے پروجیکٹس منظوری کے مراحل میں ہیں، انہوں نے ڈینش کمپنیز کو سندھ میں گرڈ اسٹیشن لگانے کی بھی دعوت دی جسے ڈیشن کمپنیز نے قبول کرلیا گیا۔

fb-share-icon0
Tweet 20

Comments

comments

یہ بھی پڑھیں