کراچی : رواں سال کا آخری مکمل سورج گرہن کل ہوگا، پاکستانی وقت کے مطابق صبح 10 بج کر 29 منٹ پر ہوگا۔
ذرائع کے مطابق محکمہ موسمیات کا کہنا ہے کہ سورج کو گرہن دوپہر 12 بجے لگے گا جو دو بج کر 37 منٹ پر اختتام پذیر ہوگا۔
سورج گرہن پاکستان میں نہیں دیکھا جا سکے گا۔ محکمہ موسمیات کے مطابق سورج گرہن جنوبی افریقہ ، جنوبی آسٹریلیا ، جنوبی امریکہ ، بحیرہ اوقیانوس ، بحر الکاہل ، انٹار کٹیکا اور بحیرہ ہند کے علاقوں میں دیکھا جا سکے گا۔ سورج گرہن بحیرہ اوقیانوس ، بحر الکاہل ، انٹارکتٹیکا ، بحیرہ ہند میں بھی نظر آئے گا۔
واضح رہے کہ اس سے قبل رواں سال کا پہلا سورج گرہن 10 جون کو لگا تھا تاہم یہ پاکستان میں نہیں دیکھا گیا تھا۔
ماہر فلکیات اور ڈائریکٹر انسٹیٹیوٹ آف اسپیس سائنس اینڈ ٹیکنالوجی جامعہ کراچی پروفیسر ڈاکٹر جاوید اقبال کا کہنا تھا کہ سورج گرہن پاکستانی وقت کے مطابق دوپہر 1 بج کر 12 منٹ پر ہوا، 3 بج کر 42 منٹ پر سورج گرہن اپنے عروج پر پہنچا اور اس کا اختتام 4 بجکر 34 منٹ پر ہوا تھا۔
یاد رہے کہ گزشتہ سال 14 دسمبر کو سورج کو گرہن لگا تھا تاہم یہ بھی پاکستان میں نہیں دیکھا گیا تھا۔
