چین اب سندھ کے دیہاتوں کو بجلی فراہم کرے گا -
The news is by your side.

Advertisement

چین اب سندھ کے دیہاتوں کو بجلی فراہم کرے گا

کراچی: سندھ حکومت نے فیصلہ کیا ہے کہ چین کے اشتراک سے سندھ کے پسماندہ علاقوں میں شمسی توانائی کے ذریعے سے بجلی کی پیداوار کا پروگرام کا آغاز کیا جائے گا۔

تفصیلات کے مطابق چین کے تعاون سے صوبہ سندھ کے دوردراز دیہاتوں میں شمسی توانائی کے ذریعے سے بجلی کی پیداوار کا پروگرام کا آغازکیا جائے گا۔

اس سلسلے میں وزیراعلی سیکریٹریٹ میں وزیراعلیٰ سندھ اور چینی قونصل جنرل کے درمیان ملاقات ہوئی، مراد علی شاہ اورمسٹر وانگ یو میں بجلی سے محروم سندھ کے پسماندہ علاقوں میں کو بجلی کی سہولت سے مزین کرنے کے لئے دوست ملک چین نے 2 ارب روپے کی سرمایہ کاری کے ذریعے توانائی کی پیداوار کے پروگرام کا آغاز کیا ہے۔

چینی قونصل جنرل نے کہا ہے کہ ان کی حکومت نے ابتدائی طورپرسندھ کے دیہی علاقوں کے لئے سولر ؤپینل فراہم کرنے کے لئے 80،000 ڈالر کی رقم مختص کی ہے، انہوں نے یہ بھی یقین دہانی کرائی  ہے کہ ان کی حکومت تکنیکی امور میں بھی مکمل تعاون کرے گی، جبکہ مالی امداد بھی بڑھائی جائے گی۔

وزیر اعلٰی سندھ مراد علی شاہ نے کہا کہ اس پالیسی سے وہ دیہات جو نیشنل گرڈ سے دور ہیں، انہیں سولر پینل فراہم کی جائے گی، انہوں نے کہا کہ اس اسکیم میں کوہستان کے علاقوں کو بھی شامل کیا گیا ہے جو عرصہ دارز سے سہولیات سے محروم ہیں۔

وزیراعلیٰ سندھ مراد علی شاہ نے مزید کہا کہ سندھ کے وہ علاقے جہاں کا موسم گرم اور خشک ہے، شمسی توانائی کا یہ پروگرام وہاں خوشحالی لانے میں معاون ثابت ہوگا۔

Comments

comments

یہ بھی پڑھیں