The news is by your side.

Advertisement

بھارتی ایوان صدر میں فوجی کی خودکشی

نئی دہلی: بھارتی ایوان صدر میں ایک فوجی نے خود کو پنکھے سے لٹکا کر خودکشی کر لی۔

تفصیلات کے مطابق بھارتی ایوان صدر میں تعینات فوجی نے آج صبح خودکشی کر لی، متوفی کی شناخت 38 سالہ تیج بہادر تھاپا کے نام سے ہوئی ہے۔

پولیس کو جائے وقوعہ سے خودکشی کا نوٹ نہیں ملا ہے، واقعے کی اطلاع اس کے اہل خانہ کو دے دی گئی ہے پولیس نے لاش کو قبضے میں لے کر آرمی بیس اسپتال بھیج دیا ہے۔

پولیس کا کہنا ہے کہ فی الحال جوان کی جانب سے خودکشی کرنے کی وجہ کا پتہ نہیں چل سکا، اس حوالے سے متوفی کے اہل خانہ سے بھی بات کی جا رہی ہے۔

اس سے قبل 7 ستمبر کو اتراکھنڈ سے تعلق رکھنے والے 38 سالہ بھارتی فوجی پردیپ کمار نے اپنی سروس رائفل سے خود کو گولی مار دی تھی، یہ فوجی باڑ میر ضلع کے ساتھ مونا باؤ میں پاک بھارت سرحد پر تعینات تھا۔

خیال رہے کہ گزشتہ چند ماہ کے دوران بھارتی سپاہیوں کے علاوہ 13 افسران اور 24 جونیئر کمیشنڈ آفیسر بھی خودکشی کر چکے ہیں۔

Comments

یہ بھی پڑھیں