The news is by your side.

Advertisement

برطانیہ کے میوزیم سے سونے کا ٹوائلٹ چوری ہوگیا

نیویارک: برطانیہ کے میوزیم سے چور خالص سونے سے بنا ٹوائلٹ لے اڑے، اٹھارہ قیراط سونے سے بنے اس انوکھےکموڈ کی قیمت پچاس لاکھ ڈالر ہے،جسے اطالوی آرٹسٹ نے بنایا تھا۔۔

غیرملکی خبررساں ادارے کے مطابق برطانیہ کے بلین ہیم محل میں آرٹ کی نمائش کے دوران رکھا گیا 18 کیرٹ سونے کا ٹوائلٹ چوروں کا گینگ لے اڑا،  پولیس نے چوری کے شبے میں ایک 66 سالہ شخص کو حراست میں لے لیا۔

چوروں کا گینگ رات کو تقریباً 4:50 منٹ کے قریب محل میں داخل ہوا اور ٹوائلٹ لے اُڑا

 پولیس کا کہنا ہے کہ سونے کا ٹوائلٹ چرانے کے شبے میں آکسفورڈ شائر سے ایک شخص کو گرفتار کیا گیا ہے، نمائش جمعرات کے روز لگائی گئی تھی جس میں سونے کا ٹوائلٹ رکھا گیا تھا۔

رپورٹ کے مطابق ملزمان رات کو تقریباً 4:50 منٹ کے قریب محل میں داخل ہوئے اور ٹوائلٹ چرا کر فرار ہوگئے، چوری کے دوران کوئی بھی شخص زخمی نہیں ہوا ہے۔

انسپکٹر جیس ملنے کا کہنا ہے کہ آرٹ کا ٹکڑا جو چوری ہوچکا ہے وہ سونے سے بنا ہوا ایک قیمتی ٹوائلٹ تھا جو محل میں نمائش کے لیے تھا۔

انسپکٹر جیس ملنے کے مطابق چوری کی واردات میں ملوث گروہ نے واردات کے لیے دو گاڑیوں کا استعمال کیا۔

انہوں نے کہا کہ چوری ہونے والا سونے کا ٹوائلٹ تاحال برآمد نہیں ہوا ہے لیکن ملزمان کی گرفتاری کے لیے تحقیقات کا آغاز کردیا گیا ہے، ہم ٹوائلٹ کو تلاش کرکے ملزمان کو قانون کے کٹہرے میں لائیں گے۔

بین ہیم پیلس میں منعقدہ نمائش کو چوری کی واردات کے بعد ہفتے کی صبح بند کردیا گیا ہے۔

Comments

comments

یہ بھی پڑھیں