The news is by your side.

Advertisement

نامعلوم افراد نے مریم نواز کے استقبالیہ بینرز پر سیاہی پھیر دی

فیصل آباد: مسلم لیگ (ن) کی سوشل میڈیا کنونشن کی تیاریوں کے لیے لگائے گئے استقبالیہ بینرز پر نامعلوم افراد نے سیاہی پھیر دی، متعدد پوسٹرز پھاڑ دیے گئے۔

تفصیلات کے مطابق فیصل آباد کے دھوبی گھاٹ گراؤنڈ میں مسلم لیگ (ن) کی جانب سے 8 مارچ کو سوشل میڈیا کنونشن کا انعقاد کیا جارہا ہے جہاں نا اہل وزیر اعظم نواز شریف کی صاحبزادی مریم نواز خصوصی خطاب کریں گی۔

(ن) لیگ کے رہنماؤں نے کنونشن سے متعلق فیصل آباد کے مختلف چوراہوں پر استقبالیہ بینرز آویزاں کرائے جسے نامعلوم افراد  نے پھاڑ ڈالا جبکہ متعدد پوسٹرز پر نواز شریف اور مریم نواز کی تصویرں نقش تھیں جس پر سیاہی پھیر دی گئی۔

سرگودھا میں مسلم لیگ ن کا سوشل میڈیا کنونشن، مریم نواز کو سونے کا تاج پہنایا جائے گا

علاوہ ازیں سوشل میڈیا کنونشن کی تیاریوں کا جائزہ لینے کے لیے ایم پی اے نواز ملک، چیئرمین واسا توصیف نواز نے دھوبی گھاٹ گراؤنڈ کا دورہ کیا اور ایس ایس پی آپریشن نے بھی موقع پر سیکیورٹی اقدامات کا جائزہ لیا۔

خیال رہے کہ مریم نواز 8 مارچ کی دوپہر ایک بجے کنونشن سے خطاب کریں گی، جس میں مسلم لیگ کے وزراء سمیت سینئر رہنماؤں کی آمد متوقع ہے۔

ہمارے مخالفین مسلم لیگ ن کی سوشل میڈیا فورس سے ڈرتے ہیں، مریم نواز

واضح رہے کہ کنونشن کی کامیابی کے لیے فیصل آباد ایئرپورٹ سے دھوبی گھاٹ آنے والے تمام راستوں پر خطیر رقم کی لاگت سے قدآور پوسٹرز، بینیرز اور بل بورڈز آویزاں کرائے گئے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں