The news is by your side.

Advertisement

‘بعض جماعتیں عوام کو قومی اداروں کے خلاف بھڑکانے کی غلطی کر رہی ہیں’

اسلام آباد: وفاقی وزیراطلاعات شبلی فراز کا کہنا ہے کہ بعض جماعتیں عوام کو قومی اداروں کے خلاف بھڑکانے کی غلطی کر رہی ہیں، قومی ادارے ملک کی بقا کی حیثیت رکھتے ہیں۔

تفصیلات کے مطابق سماجی رابطے کی ویب سائٹ ٹوئٹر پر شبلی فراز نے ٹوئٹ کیا کہ قانون کومطلوب عوام کو گمراہ کرنے کی کوشش کر رہے ہیں، بعض جماعتیں عوام کو قومی اداروں کے خلاف بھڑکانے کی غلطی کر رہی ہیں۔

ان کا کہنا تھا کہ قومی ادارے ملک کی بقا اور سلامتی کی بنیاد کی حیثیت رکھتے ہیں۔

پی ڈی ایم کی صورت میں تیسرا دشمن سامنے آگیا، شبلی فراز

وفاقی وزیر نے مزید کہا کہ عمران خان نے ان کے آگے نہ پہلے سر جھکایا نہ اب سر جھکائے گا۔

یاد رہے کہ گزشتہ روز اسلام آباد میں پریس کانفرنس کرتے ہوئے وزیر اطلاعات نے کہا تھا کہ ان چوروں نے ذاتی مفاد کے لیے اداروں کو داؤ پر لگا دیا ہے، اثاثے کیسے بنائے، بیروں ملک پیسہ کیسے بھیجا، ان سوالات کے جواب کے دینے کے بجائے ملک میں ایک طوفان برپا کردیا گیا ہے، مگر ہم پاکستان کو ان چوروں سےآزاد کرائیں گے۔

شبلی فراز نے پی ڈی ایم کے کوئٹہ جلسے میں حکومت مخالف تقریروں پر سخت ردعمل دیا۔

Comments

یہ بھی پڑھیں