بیجنگ : چین میں تیز رفتار جیپ کا ٹرک کو اوور ٹیک کرنے کے دوران خوفناک حادثہ، حادثے کے نتیجے میں کسی کے زخمی ہونے کی اطلاعات موصول نہیں ہوئیں۔
آپ نے سڑکوں پر ٹریفک حادثات تو بہت دیکھے ہوں گے لیکن کبھی ان کی وجوہات جاننے کی کوشش کی ہیں اکثر حادثے جلدبازی اور بے وقوفی کے باعث پیش آتے ہیں جو اپنے ساتھ ساتھ دوسروں کےلیے بھی جان لیوا ثابت ہوتے ہیں
جلد بازی کا ایسا ہی ایک خوفناک واقعہ چین میں پیش آیا جو سوشل میڈیا پر شیئر ہوا تو شدید تنقید کا نشانہ بنا۔
چین کے ایک پہاڑ پر بنائی گئی سڑک پر ایک تباہ حال کار ویڈیو وائرل ہورہی ہے، اس حادثے کے کا باعث اوور ٹیک تھا، جو تیز رفتار جیب کے ڈرائیور کی بھیانک اور شاید آخری غلطی ثابت ہوتا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ سڑک پر ایک لال رنگ کا ٹرک اپنی لائن میں حد رفتار پر چل رہا ہے جس پر بھاری بھرکم مشین رکھی ہوئی تھی جبکہ برابر سے ایک سفید رنگ کی جیپ کو تیزی سے آتے دیکھا جاسکتا ہے جو ٹرک کو اوور ٹیک کرنے کا ارادہ رکھتی ہے۔
جیپ نے جیسے ہی ٹرک کو اوور ٹیک کرنے کی کوشش کی تو ٹرک کے اگلے ٹائر سے ٹکرا گئی جس کے باعث گاڑی کا بمپر ٹوٹ گیا۔
غیر ملکی خبر رساں ادارے کا کہنا تھا کہ حادثے کے نتیجے میں کسی کے زخمی ہونے کی اطلاعات موصول نہیں ہوئیں، سوشل میڈیا پر کار حادثے کی وائرل ویڈیو کو اب تک 55 ہزار مرتبہ دیکھا جاچکا ہے۔
