کوئٹہ میں بیٹے نے سگے باپ اور بھائی کو قتل کردیا -
The news is by your side.

Advertisement

کوئٹہ میں بیٹے نے سگے باپ اور بھائی کو قتل کردیا

کوئٹہ : کوئٹہ کے نواحی علاقے میں گھریلو تنازع پر ایک شخص نے فائرنگ کر کے اپنے سگے باپ اور بھائی کو ہلاک کردیا جب کہ ایک بھائی کی حالت تشویشناک ہے۔

تفصیلات کے مطابق کوئٹہ کے نواحی علاقے کوہلو میں گھریلو تنازع پر دلبرداشتہ ہو کر بیٹے نے والد اور بھائیوں پر فائرنگ کر دی، فائرنگ کے باعث حملہ آور کا باپ اور دو بھائی شدید زخمی ہو گئے جنہیں فوری طبی امداد کے لیے قریبی ہسپتال منتقل کردیا گیا۔

ہسپتال انتظامیہ کے مطابق فائرنگ کے نتیجے میں ملزم کا باپ اور ایک بھائی ہلاک ہو گئے ہیں جب کہ دوسرے بھائی کی حالت نازک ہے، جس کا علاج جاری ہے۔

پولیس کے مطابق گھریلو تنازع میں ہلاک ہونے والے باپ اور بیٹے کو اُن کے سگے بیٹے نے فائرنگ کر کے ہلاک کیا، ملزم فائرنگ کرنے کے بعد گھر سے فرار ہو گیا، پولیس نی لاشوں کا پوسٹ مارٹم کروانے کے بعد لاشیں لوحقین کے حوالے کر دی ہیں۔

پولیس کا کہنا ہے کہ واقعہ میں ملوث مفرور ملزم کی گرفتاری کے لیے چھاپے مارے جا رہے ہیں،جلد ہی ملزم قانون کی گرفت میں ہو گا، پولیس نے خیال ظاہر کیا ہے ابتدائی تفتیش سے پتہ چلتا ہے کہ واقعہ گھریلو تنازع کا شاخسانہ تھا تاہم اصل حقائق ملزم کی گرفتاری کے بعد سامنے آسکیں گے۔

Comments

comments

یہ بھی پڑھیں