The news is by your side.

Advertisement

سنگ دل بیٹے نے کلہاڑی کے وار سے ماں کو قتل کردیا

کراچی : شہر قائد میں سنگ دل بیٹے نے کلہاڑی کے وار سے 70سالہ ماں کو قتل کردیا، پولیس نے قتل میں ملوث بیٹے ارشادحسین کو گرفتار کرلیا ہے۔

تفصیلات کے مطابق کراچی کے علاقے ڈالمیاروڈنیول کالونی میں قتل کی سفاکانہ واردات ہوئی ، جہاں بیٹے نے کلہاڑی کے وار سے 70 سالہ ماں کوقتل کردیا۔

ایس ایس پی ایسٹ ساجدسدوزئی نے کہا ہے کہ پولیس نے قتل میں ملوث بیٹے ارشاد حسین کو گرفتار کرلیا، ملزم نے صبح 6 بجے اپنی ماں پر کلہاڑی کے وار کیے ، زخمی  بزرگ خاتون کوفوری اسپتال منتقل کیاجہاں وہ دم توڑگئی۔

ساجد سدوزئی کا کہنا تھا کہ ملزم ارشاد حسین سرکاری ادارے میں چیف پیٹی آفیسر ہے اور 20 جون سے ایک سال کی چھٹیوں پر تھا۔

یاد رہے چند روز قبل روالپنڈی کے علاقے تھانہ صادق آباد کی حدود میں ارسلان نامی شخص نے اپنی اہلیہ کے ساتھ مل کر ماں گلنار بی بی کو بہیمانہ تشدد کا نشانہ بنایا تھا۔

سفاک بیٹے کی ماں پر تشدد کی ویڈیو انٹرنیٹ پر وائرل ہوئی تھی جس کے بعد سوشل میڈیا صارفین نے شدید احتجاج کیا اور پھر متعلقہ حکام نے واقعے کا نوٹس لے کر ملزم کو فوری طور پر گرفتار کرنے کیا۔

متاثرہ خاتون نے ارسلان اور اُس کی اہلیہ کے خلاف تھانہ صادق آباد میں مقدمہ درج کرایا تھا جس کے بعد ملزم اور اُس کی بیوی نے عدالت سے ضمانت قبل از گرفتاری حاصل کرلی تھی۔

Comments

یہ بھی پڑھیں