سابق مشیر قومی سلامتی معید یوسف کے بیٹے نے پاکستان کی انڈر 14 شطرنج ٹیم کیلیے کوالیفائی کرکے والد کا سر فخر سے بلند کردیا ہے۔
عمران خان کی سابق حکومت میں قومی سلامتی امور کے مشیر معید یوسف کے بیٹے نے پاکستان کی انڈر 14 شطرنج ٹیم کے لیے کوالیفائی کرکے اپنے والد کا سر فخر سے بلند کردیا اور معید یوسف بھی اپنے بیٹے کی کامیابی پر خوشی سے نہال ہوگئے ہیں۔
معید یوسف نے اپنی اس خوشی کا اظہار سماجی رابطوں کی ویب سائٹ ٹوئٹ پر کیا ہے اور اس حوالے سے متعدد ٹوئٹس کیے ہیں جس میں بیٹے کے اس کارنامے کو اپنی زندگی کے ایک اور خواب کی تکمیل قرار دیا ہے۔
معید یوسف نے اپنے ٹوئٹ میں اپنی ایک یادگار تصویر کے ساتھ بیٹے کی موجودہ تصویر ایک ساتھ شیئر کرتے ہوئے لکھا ہے کہ کہ ’اب تک میری زندگی کے سب سے قابل فخر لمحات میں سے ایک یہ تھا کہ میں نے پہلی بار ایک گولفر کے طور پر بین الاقوامی سطح پر ملک کی نمائندگی کرنے کے لیے پاکستان کا کوٹ پہنا، یہ 25 سال پہلے کی بات ہے۔
سابق مشیر قومی سلامتی نے اپنے ایک اور ٹوئٹ میں کہا کہ پاکستان کی انڈر 14 شطرنج ٹیم کا حصہ بننے کے لیے کوالیفائی کرکے الحمدللہ میرے بیٹے نے میرا سر فخر سے اور بلند کر دیا، میرے بیٹے نے ابھی ویسٹ ایشین جونیئر چیمپئن شپ میں حصہ لیا تھا، اُسے سبز بلیزر میں دیکھنے سے میرا ایک اور خواب پورا ہوگیا۔
by qualifying to be part of Pakistan’s under-14 chess team that just competed in the West Asian junior Championship. Seeing him in the green blazer is a dream come true for me.
— Moeed W. Yusuf (@YusufMoeed) June 23, 2022
سابق مشیر برائے این ایس اے نے اپنی ٹوئٹ میں گولف چھوڑے کی وجہ بھی بیان کردی اور کہا کہ انہوں نے پیشہ ورانہ زندگی میں داخل ہونے کے بعد گولف چھوڑ دیا، میں اپنے بیٹے کو اسی کورس میں رہنے کی ترغیب دینے کے لیے پرعزم ہوں، ان کی اور ان کے ساتھیوں کی مستقبل کی کامیابی اور خوشی کے لیے دعاؤں اور نیک تمناؤں کا اظہارکرتا ہوں۔
I gave up golf when I entered professional life. Am determined to encourage my son to stay the course.
Request prayers and best wishes for his and his teammates’ future success and happiness.
— Moeed W. Yusuf (@YusufMoeed) June 23, 2022
