The news is by your side.

Advertisement

سابق کرکٹرعامر حنیف کے بیٹے محمد زریاب نے خودکشی کرلی

کراچی : کراچی انڈر نائٹین ٹیم کے کھلاڑی اور سابق انٹرنیشنل کرکٹر عامر حنیف کے بیٹے محمد زریاب نے کوچز کے روئیے سے دلبرداشتہ ہوکر زندگی کا خاتمہ کرلیا۔

تفصیلات کے مطابق کراچی کے کرکٹر محمد زریاب نے خودکشی کرلی، سابق انٹرنیشنل کرکٹر عامر حنیف کے بیٹے محمد زریاب دو سال تک کراچی انڈر 19کرکٹ ٹیم کا حصہ رہے۔

محمد زریاب کے والد عامر حنیف کا کہنا ہے کہ میرے بیٹے کو خودکشی پر مجبور کیا گیا، ان کے بیٹے پر کوچز کا دباؤ تھا، میرے بیٹے کے ساتھ جو ہوا وہ کسی کے ساتھ نہ ہو۔

عامر حنیف نے مزید کہا کہ  بیٹا کوچز کے رویے سے دلبرادشتہ ہوگیا تھا اور گذشتہ رات گلےمیں پھندہ ڈال کر خودکشی کرلی۔

محمد زریاب عامر حنیف کا بڑا بیٹا اور فرسٹ ایئر کا طالب علم تھا۔

ذرائع کے مطابق زائد العمر قرار دے کر محمد زریاب کو ڈراپ کیا گیا جس پر وہ دلبراشتہ تھے۔

کراچی انڈر 19ٹیم کے کوچ محمد مسرور کا کہنا ہے کہ محمد زریاب کی خبر کا سن کر دھچکہ لگا، کوچ کا رویہ تمام کھلاڑیوں کے ساتھ ایک جیسا ہوتا ہے، زریاب نے یہ قدم کیوں اٹھایا یہ سمجھ سے با لاتر ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں