تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

گیارہ برس قبل کیا ہوا تھا، ماہرہ خان کے لیے آج کا دن اہم کیوں؟

کراچی: بین الاقوامی شہرت یافتہ پاکستانی اداکارہ ماہرہ خان نے بیٹے اذلان کی سالگرہ پر جذباتی پوسٹ شئیر کردی جس میں انہوں نے صاحبزادی کی اہمت بیان کی۔

سماجی رابطے کی ویب سائٹ انسٹاگرام پر ماہرہ خان نے اذلان کی گیارہویں سالگرہ کی مناسبت سے پوسٹ شیئر کی۔

اداکارہ نے لکھا کہ ’میرے ایک اور واحد، صرف اکیلے، گیارہ برس قبل ماما نے آپ کو جنم دیا، ہاں آپ کی می می نے‘۔

انہوں نے لکھا کہ ’ماں بننے کے بعد میری زندگی کا ہر سیکنڈ پرکشش اور خوبصورت ہوگیا، میں تمھارے اور اُن تمام بچوں کے لیے دعا گو ہوں جو دنیا میں موجود ہیں‘۔

ماہرہ نے دعا لکھی کہ ’اللہ تمام بچوں کو خوشیاں، صحت، بہادری اور اپنی رحمت سے نواز دے‘۔

آخر میں ماہرہ نے بتایا کہ ’اذلان یہ دعا  تمھارے لیے ہے، میری کروڑوں دعائیں تمھارے ساتھ ہیں‘۔

اس پوسٹ پر اداکارہ منال خان نے اذلان کو سالگرہ کی مبارک باد دی جس پر ماہرہ نے ان کا شکریہ ادا کیا۔

ہانیہ عامر نے بھی اذلان کو سالگرہ کی مبارک باد پیش کی۔ علاوہ ازیں شوبز انڈسٹری سے تعلق رکھنے والے دیگر اداکاروں اور شخصیات نے بھی اذلان کو سالگرہ کی مبارک باد دی۔

مزید پڑھیں: ماہرہ خان نے محبت کا اعتراف کر کے نام بتادیا

یاد رہے کہ سنہ 2006 میں ماہرہ خان امریکا میں مقیم تھیں، اسی دوران اُن کی علی عسکری نامی نوجوان سے ملاقات ہوئی جو ایک سال میں ہی محبت میں بدل گئی۔

بعد ازاں ماہرہ خان اور علی نے 2007 میں شادی کی جس کے 7 سال بعد اُن کے ہاں بیٹے اذلان کی پیدائش ہوئی،  بیٹے کی پیدائش کے بعد 2015 میں دونوں نے علیحدگی کا فیصلہ کیا۔

واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنے کا موقع ملا یہی ان کی خوش قسمتی کا باعث بھی بننا۔

اداکارہ نے ڈرامے میں کام کر کے شہرت کی بلندیوں کو چھوا اور پھر بالی ووڈ میں شاہ رخ خان کے مد مقابل فلم رئیس مٰں کام کیا۔

Comments

- Advertisement -