site
stats
پاکستان

ملتان: رشتہ نہ ملنے پر جلائے جانے والی لڑکی دم توڑ گئی

ملتان: رشتہ نہ ملنے پر جلائے جانے والی لڑکی نشتر ہسپتال میں دم توڑ گئی.

بستی ملکو کی رہائشی سونیا بی بی تیرہ روز تک ملتان کے نشتر اسپتال میں زندگی اور موت کی کشمکش میں رہی۔ ڈاکٹروں کی کوششوں کے باوجود سونیا نہ بچ سکی، سونیا بی بی کو ملزم لطیف نے رشتہ نہ ملنے پر ڈیزل چھڑک کر آگ لگائی تھی، جسے فوری طور پر نشتر ہسپتال منتقل کر دیا گیا تھا، ڈاکٹرز کے مطابق جب اسے ہسپتال لیا گیا تو اس کا جسم 80 فیصد جھلس چکا تھا.

دوسری جانب ایف آئی آر کے مطابق لطیف نامی نوجوان نے زیادتی کی کوشش میں ناکامی کے بعد سونیا کوپٹرول اورڈیزل چھڑک کر آگ لگادی تھی۔ ملزم پولیس حراست میں ہے.

ذرائع کا کہنا ہے کہ پولیس نے ایف آئی آر میں تکنیکی بنیاد پر ملزم کو بچانے کے کوشش کی ہے۔

ہسپتال زرائع کے مطابق سونیا کی لاش ورثہ کے حوالے کر دی گئی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top