کراچی: اے آر وائی فلمز کے بینر تلے بنائی جانے والی فلم ’آزادی‘ میں کردار ادا کرنے والی سونیا حسین کا پوسٹر جاری کردیا گیا۔
تفصیلات کے مطابق تحریک آزادی کشمیر کے پہلوؤں کو اجاگر کرنے اور اس کی حقیقت کو دنیا بھر میں پہنچانے کے لیے اے آر وائی فلمز نے ‘آزادی‘ کے نام سے فلم بنانے کا اعلان کیا جس کا سنسی خیز ٹریلر گذشتہ ماہ جاری کیا گیا۔
ٹریلر کے بعد اے آر وائی فلمز کی جانب سے سونیا حسن کے کردار سے متعلق پوسٹر جاری کیا۔
Presenting the character Poster of #SonyaHussyn for the upcoming film #azaadi
Releasing on Eid Ul Fitr 2018 #aryfilms #pervezmalikfilms #madeinpakistan #lovestory #Freekashmir pic.twitter.com/9TG4RvhPgj
— ARY Films (@aryfilmsary) April 18, 2018
فلم ’آزادی‘ کی کہانی ایک ایسے شخص کے گرد گھومتی ہے جو اپنا سب کچھ آزادی کشمیر کے لیے قربان کردیتا ہے اور اس کے نظریے سے متاثر ہوکر دیگر نوجوان تحریک کو آگے لے بڑھاتے ہیں۔
اداکار معمر رانا اور ندیم بیگ کو فلم میں کشمیر کی آزادی کے لیے جدوجہد کرتے ہوئے دکھایا گیا جبکہ سونیا حسین پاکستانی نژاد برطانوی صحافی کا کردار ادا کررہی ہیں جو معمر رانا (آزاد) کا انٹرویو کرنے کے لیے کشمیر تشریف لاتی ہیں۔
مزید پڑھیں: آزادی کشمیر پر بنائی جانے والی فلم ’آزادی‘ کا ٹریلر جاری
فلم کی ہدایت کاری کے فرائض عمران ملک نے انجام دئے جبکہ معمر رانا، سونیا حسین نے مرکزی کردار ادا کیے ہیں، دیگر اداکاروں میں ندیم بیگ، جاوید شیخ، مریم انصاری، علی فتح، ارم اور بلال شامل ہیں۔
آزادی کا میوزک ساحر علی بھگا نے ترتیب دیا جبکہ فلم میں راحت فتح علی خان، شفقت امانت علی، قرۃ العین بلوچ نے اپنی آواز کا جادو جگایا ، فلم کی شوٹنگ آزاد کشمیر اور وزیرستان کے مختلف علاقوں میں کی گئی۔
ہدایت کار عمران ملک کا ٹریلر جاری ہونے پر کہنا تھا کہ فلم میں حب الوطنی، ایک مضبوط محبت کی کہانی اور ایکشن کے مناظر شامل ہیں، یہ ایک ایسی فلم ہے جو اس سے قبل کبھی پاکستانی سنیما میں ریلیز نہیں کی گئی۔
صحافی کا کردار ادا کرنے والی اداکارہ سونیا حسین کا کہنا تھا کہ فلم میں خواتین کے حوالے سے بھی مضبوط پیغام دیا گیا، میرا فلمی نام ’زارا‘جو ایک خود مختار صحافی کی صورت میں فلم میں نظر آئے گی۔
ویڈیو دیکھیں
واضح رہے کہ فلم آزادی رواں سال عید الفطر پر ریلیز کی جائے گی۔ خیال رہے کہ اداکارہ سونیا حسین حال ہی میں اے آر وائی ڈیجیٹیل پر نشر ہونے والے ڈرامے ’ایسی ہے تنہائی‘ میں اداکار سمیع خان کے ہمراہ مرکزی کردار ادا کیا تھا۔
