The news is by your side.

Advertisement

بھارتی گلوکار ’’سونونگم‘‘ کا سڑک پربھیس بدل کرفن کا مظاہرہ

ممبئی: سُروں کے بادشاہ سونو نگم نے بھیس بدل کر پھٹے پرانے کپڑوں کے ساتھ ممبئی کی گلی میں اپنے فن کا مظاہرہ کیا۔

تفصیلات کے مطابق سونو نگم یوٹیوب کے چینل بینگ انڈین کی جانب سے دیے گئے ایک سماجی تجربے کے تحت ممبئی کی سڑک پر بوڑھے آدمی کا روپ دھارے پھٹے پرانے کپڑوں کے ساتھ ہاتھ میں ہارمونیم پکڑے سڑک پر نکل آئے۔

سونو نگم نے فٹ پاتھ پر بیٹھ کر ہارمونیم کے سروں کے ساتھ اپنی آواز کو ملا کر لوگوں کو محظوظ کیا۔ اسی دوران ایک نوجوان ان کے قریب آیا اور مخاطب کر کے گانے کی ریکارڈنگ کرنے کی اجازت طلب کی،گانا مکمل ہونے پر لڑکے نے جاتے وقت سونو نگم سے ناشتے کا پوچھا اور چپکےسے ہاتھ میں 12 روپے رکھ دیے۔

اصلی روپ میں آنے کے بعد سونو نگم نے کہا کہ یہ پرفارمنس میرے لئے ناقابل یقین تجربہ ہے، ایک نوجوان نے میرا گانا سننے کے بعد مجھے عاجزی سے 12 روپے تھما دیئے، جو میرے لیے لاکھوں روپے سے زیادہ اہم ہیں۔

انہوں نے مزید کہا کہ یہ پیسے میں نے فریم کروا کر محفوظ کرلیے ہیں اور میں اپنی زندگی میں دوبارہ اُس نوجوان سے مل کر اس کے لئے کچھ کرنا چاہتا ہوں۔

واضح رہے یوٹیوب چینل کی طرف سے یہ تجربہ شروع کروانے کا مقصد بھارتی عوام کے ردعمل کا مشاہدہ کرنا ہے کہ وہ اپنے اردگرد ہونے والے خوبصورت عمل پر کیا اقدامات کرتے ہیں۔

Comments

comments

یہ بھی پڑھیں