The news is by your side.

Advertisement

ورلڈ کپ 2019، جنوبی افریقا اور سری لنکا کی 15 رکنی ٹیموں کا اعلان

دبئی: آئی سی سی کرکٹ ورلڈ کپ 2019 کے لیے جنوبی افریقا اور سری لنکا کی 15 رکنی ٹیموں کا اعلان کردیا گیا ہے۔

تفصیلات کے مطابق آئی سی سی کرکٹ ورلڈ کپ 2019 کے لیے جنوبی افریقا اور سری لنکا کی جانب سے 15 رکنی ٹیم کا اعلان کردیا گیا ہے، جنوبی افریقی ٹیم کی قیادت فاف ڈوپلیسی، سری لنکن ٹیم کی قیادت ڈیموتھ کرونارتنے کریں گے۔

آئندہ ماہ برطانیہ میں شروع ہونے والے ورلڈ کپ کے لیے ہاشم آملہ کو ٹیم کا حصہ بنایا گیا ہے۔

جنوبی افریقی ٹیم میں فاف ڈوپلیسی، ایڈن مرکرام، کوئنٹن ڈی کاک، ہاشم آملہ، رسی وینڈرسن، ڈیوڈ ملر، فلکوایو، جے پی ڈومینی، ڈیوائن پریٹورئیس، ڈیل اسٹین، کاگیسو ربادا، لنگی نگیدی، آنرچ نورٹج، عمران طاہر اور تبریز شمسی شامل ہیں۔

سری لنکن ٹیم میں ڈیموتھ کرونارتنے، ملندا سری وردانا، جیون مینڈس، نوان پردیپ، انجیلو میتھیوز، کشال پریرا، لہیرو تھریمانے، تھسارا پریرا، اوشکا فرننڈو، کشال مینڈس، دھننجایا ڈی سلوا، لیستھ ملنگا، جیفری ویندرسے، ایسورو یودانا اور سرنگا لکمل شامل ہیں۔

یاد رہے کہ ورلڈ کپ 2019 کا باقاعدہ آغاز 30 مئی کو میزبان انگلینڈ اور جنوبی افریقا کے درمیان میچ سے ہوگا۔

ورلڈ کپ کے لیے اب تک پاکستان، نیوزی لینڈ، بھارت، بنگلہ دیش اور انگلینڈ کی جانب سے ٹیموں کا اعلان کیا جاچکا ہے۔

Comments

comments

یہ بھی پڑھیں