The news is by your side.

Advertisement

جنوبی افریقا کا ٹاس جیت کر فیلڈنگ کا فیصلہ

دبئی: ٹی ٹوئنٹی ورلڈ کپ کے اہم ترین میچ میں جنوبی افریقا نے ٹاس جیت کر فیلڈنگ کا فیصلہ کیا ہے۔

تفصیلات کے مطابق شارجہ کرکٹ اسٹیڈیم میں کھیلے جارہے میچ میں پروٹیز قائد نے ٹاس جیت کر بنگلہ دیش کو پہلے بیٹنگ کی دعوت دی ہے۔

جنوبی افریقا کے کپتان ٹیمبا باووما نے بتایا کہ آج کے میچ میں کوئی تبدیلی نہیں کی گئی ہے، سری لنکا کے خلاف اسکواڈ کو برقرار رکھا گیا ہے۔

ٹاس ہارنے کے بعد بنگلہ دیشی کپتان محمداللہ کا کہنا تھا کہ ٹاس جیتتے تو پہلے فیلڈنگ کرتے۔

یہ بھی پڑھیں: ڈیوڈ‌ ملر نے سری لنکا سے یقینی فتح‌ چھین لی

بنگلہ دیش اور جنوبی افریقا کے درمیان کھیلا جانے والا یہ میچ پروٹیز کے لیے انتہائی اہمیت کا حامل ہے، اگر وہ بنگلہ دیش کےخلاف میچ جیت جاتے ہیں تو ان کے سیمی فائنل تک رسائی کے امکانات روشن رہیں گے جبکہ بنگلہ دیش کی ٹیم پہلے ہی سیمی فائنل کی دوڑ سے باہر ہوچکی ہے۔

جنوبی افریقا نے اب تک تین میچز کھیلے ہیں جس میں سے ایک میں شکست کا سامنا کرنا پڑا، پروٹیز چار پوائنٹس کے ساتھ اس وقت گروپ میں دوسرے نمبر پر ہے۔

ادھر بنگلہ دیش اپنے اسٹار آل راؤنڈر شکیب الحسن کے بغیر میدان میں اترے گی، شکیب الحسن ویسٹ انڈیز ‏کے خلاف سنسنی خیز مقابلے کے دوران ہمسٹرنگ انجری کا شکار ہوئے تھے۔

Comments

یہ بھی پڑھیں