اوول: جنوبی افریقہ کے فاسٹ بولر ڈیل اسٹین کندھے کی انجری کے سبب ورلڈ کپ سے باہر ہوگئے۔
تفصیلات کے مطابق ورلڈ کپ 2019 کے ابتدائی دونوں میچز میں شکست کے بعد جنوبی افریقہ کے لیے ایک اور بری خبر سامنے آگئی، جنوبی افریقی فاسٹ بولر ڈیل اسٹین کندھے کی انجری کے باعث عالمی کپ سے باہر ہوگئے۔
جنوبی افریقہ کی جانب سے ڈیل اسٹین کی جگہ بائیں ہاتھ کے بولر بیورن ہنڈرکس کو ورلڈ کپ میں کھلانے کا فیصلہ کیا گیا ہے۔
Steyn's replacement Hendricks is a left-arm fast bowler.#CWC19 pic.twitter.com/cYDHiYP5lU
— Cricket South Africa (@OfficialCSA) June 4, 2019
ورلڈ کپ میں ابتدائی دونوں میچ ہارنے والی جنوبی افریقی ٹیم اپنا تیسرا میچ بھارت کے خلاف ساؤتھ ہمپٹن میں کھیلے گی۔
گزشتہ دو ماہ سے انجرڈ ڈیل اسٹین ابتدائی دونوں میچ کندھے میں تکلیف کے باعث نہیں کھیل سکے تھے اور اب وہ ٹورنامنٹ سے مکمل طور پر باہر ہوگئے ہیں۔
واضح رہے کہ جنوبی افریقا کو پہلے میچ میں میزبان انگلینڈ سے 104 رنز سے شکست ہوئی تھی جبکہ دوسرے میچ میں بنگلہ دیش نے جنوبی افریقہ کو ہرایا تھا۔
