اسلام آباد : جنوبی کوریا نے پاکستان کا 19.91 ملین ڈالر کا قرضہ موخر کر دیا، جس کے تحت جنوبی کوریا کو ادائیگی چھ سال کی مدت میں کی جائے گی۔
تفصیلات کے مطابق وزارت اقتصادی امور کی جانب سے اعلامیے میں کہا گیا ہے کہ حکومت کو قرضوں میں جنوبی کوریا سے ریلیف مل گیا۔
اعلامیے میں بتایا گیا کہ قرض معطلی اقدام کے تحت1 کروڑ 91 لاکھ ڈالر سے زائد قرض کی ادائیگی مؤخر کردی گئی ہے، جنوبی کوریا کو ادائیگی چھ سال کی مدت میں کی جائے گی۔
وزارت اقتصادی امور کا کہنا تھا کہ جی 20 قرض معطلی اقدام کے معاہدے پر دستخط کر دیئے گئے ہیں، رقم کی ادائیگی جولائی اور دسمبر 2021 کے درمیان ہونا تھی۔
اعلامیے کے مطابق پاکستان 21 دوطرفہ قرض دہندگان سے 104 معاہدے کرچکا ہے اور 3 ارب 65 لاکھ 30 ہزار ڈالر قرض ادائیگی میں ریلیف حاصل کرچکا ہے۔
