سیؤل: جنوبی کوریا کے صوبہ گیونگ گی میں فوجی ہیلی کاپٹر گر کر تباہ ہو گیا دو افراد دل کا دورہ پڑنے پر اسپتال منتقل کردیئے گئے۔
غیر ملکی ذرائع ابلاغ کے مطابق یہ ہیلی کاپٹر مقامی وقت کے مطابق صبح تقریباً 11 بجے دارالحکومت سیؤل کے گرد واقع صوبے کے کاپیونگ کاؤنٹی میں حادثے کا شکار ہوا۔
رپورٹس کے مطابق حادثے کا شکار ہونے والے ہیلی کاپٹر میں سوار دو افراد کو شدید زخمی حالت میں دل کا دورہ پڑنے پرہسپتال منتقل کیا گیا۔
فوجی ذرائع کا اس حوالے سے کہنا ہے کہ ہیلی کاپٹر تربیتی پرواز کے لیے روانہ ہوا تھا اور یہ جنوبی کوریا کی فوج کا اے ایچ-1 ایس کوبرا ہیلی کاپٹر تھا، جسے مبینہ طور پر سروس سے ریٹائر کیا جا رہا تھا۔
سیاحتی ہیلی کاپٹر ماؤنٹ آسو کے قریب لاپتہ
حادثے کے بعد کسی دھماکے یا آگ لگنے کی اطلاع نہیں ملی۔ حکام نے واقعے کی وجوہات جاننے کے لیے تحقیقات کا آغاز کردیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں